[忽然1周 991] 梁潔華血癌未癒 黃日華催女結婚沖喜 黃日華,梁潔華,MW,

堅持接送愛女

上周三（ 16日），戴上口罩的梁潔華，堅持送愛女黃芷晴回葵涌港視大樓開工。廿四孝媽媽在港視足足逗留了接近三小時，待愛女試完造型，才一同離開。

娛樂喧

梁潔華血癌未癒　黃日華催女結婚沖喜

黃日華太太梁潔華去年因為血癌入院，直至近日才完成五次療程，返家休養。太太在鬼門關擦身而過，令向來篤信風水命理的黃日華，更加深信不疑。

除了搬竇避劫外，據知有高人更提議黃日華需有喜事沖喜，才可化解家中病星。黃日華眼見女兒黃芷晴與男友關係穩定，未來女婿亦甚得他們歡心，因此早前再三向女兒催婚，芷晴亦向本刊親口承認恨披嫁衣出嫁。

其他影片：>>梁潔華血癌未癒　黃日華為沖喜　催女結婚

個男仔好錫阿女（真實對白）

黃日華揚言不反對女兒拍拖，更試過公開讚女兒男友人品好，又錫阿女，看來 Brian已順利過到未來外父一關。

兩周前（ 8日），剛完成第五次化療、出院不久的梁潔華，到銅鑼灣鬧市買參茸海味。當日在高溫下，她戴着口罩和外披大褸，但精神和面色尚算不俗。為了爭取與家人共聚時光，梁潔華更堅持每日為愛女充當柴可夫，管接管送。

一喜擋三災

包冚逛街

已返家休養的梁潔華，日前被發現到銅鑼灣鬧市購物。大病初癒的她，即使天時暑熱，仍戴上口罩和帽，外披長袖秋褸，以免受細菌感染。

梁潔華血癌病情暫時受控，一向緊張老婆的黃日華，依然未敢鬆懈，除了推晒所有離港工作，專心在港照料老婆外，一向篤信命理的他，亦四出搵高人指點迷津。本刊收到消息，早前有高人曾提點黃日華，指一喜擋三災，家中需有喜事才能完全化解病星。知情人透露：「華哥見芷晴同 Brian（芷晴男友）拍咗兩三年拖，關係都好穩定。佢男友又好識做，喺芷晴媽咪住院嗰陣，幾乎日日陪芷晴探病，又試過自己煲湯俾未來外母飲。芷晴早排去韓國做嘢， Brian一個人都去醫院探病。而佢都好識冧華哥，試過陪華哥釣魚踢波。所以華哥都認定佢做女婿。」早前黃芷晴亦自爆說：「之前世界盃，佢（男友）同我爹哋喺屋企睇波，我就去瞓覺，佢哋亦都會私下傳短訊，傾男人經。」可見 Brian已完全深得黃日華夫婦歡心。黃日華早前亦公開讚未來女婿人品好。「我唔會阻止阿女拍拖，其實個男仔幾純品，好錫阿女！」

前途未明朗

喜事化病星

梁潔華未病前，曾試過和老公黃日華和愛女齊齊着婚妙禮服出席活動。而篤信風水的黃日華，早前得風水師傅指點，希望以女兒婚事沖喜化病星。

黃日華催女兒結婚沖喜，除了女兒搵到個可付託終身的男人外，女兒在港視前途未卜亦是考慮因素之一。知情人續說：「芷晴今年廿五歲，要結婚其實早咗啲。華哥亦知道個女好想做娛樂圈，但無奈簽咗港視。華哥依家都打定輸數開唔到台，之前又同大台撐到咁行，冇理由收留芷晴。華哥話個師傅同佢講，芷晴結咗婚就可以轉運，對佢星途反而有幫助。不過結唔結婚，華哥都話會尊重阿女意見！」

黃：好想着婚紗

我都想嫁（真實對白）

周一（ 21日），黃芷晴出席活動時，雖然避談母親催婚一事，但轉頭卻爆響口指自己恨披婚妙出嫁。

周一（ 21日），黃芷晴出席活動回應父母催婚一事時，最初表現避忌，其後卻自爆想着婚紗，恨嫁恨出面。

記：記者晴：黃芷晴

記：依家同男朋友關係好穩定？

晴﹕係啊係啊。

記：知道你爹哋媽咪為咗沖喜催你結婚喎？

晴﹕哈哈哈哈……邊有啊……其實係我成日講笑話想嫁，唔知幾時可以嫁得出啫？因為我好想着婚紗，跟住媽咪就笑我好膚淺，仲話你係嫁就快啲！

搬竇避劫

感情穩定

黃芷晴和圈外男友 Brian拍拖三年，感情穩定，早前更被拍下雙雙入住屯門黃金海岸酒店。《 Face》圖片

除了催婚擋災，一直租住大埔雍怡雅苑三千呎獨立屋的黃日華，近日亦因為師傅提出華嫂需轉運而搬往同區比華利山。早前芷晴被問到一家人是否決定搬新屋，芷晴直認﹕「依家籌備緊，因為住緊間屋太舊。（係咪關乎風水？）媽咪屬鼠，我屬馬，有個親戚識風水，話今年都係一個轉變年，叫我哋試吓搬新環境。」

篤信風水

梁潔華患重病期間，據知黃日華得好友三哥介紹，搵北京風水大師睇風水。得高人指點迷津，太太病情亦見有進展。

後園布花陣

黃日華除了催女兒結婚，早前亦聽從師傅指點，在現時月租五萬元的大埔雍怡雅苑的後花園，種了七色花陣為太太驅病氣。

屬鼠搵屋搬

由於住了多年的雍怡雅苑漏水，加上師傅指屬鼠的梁潔華，今年沖太歲對健康不利，因此建議搬屋轉運。據知黃日華一家已打算九月搬進屬同一區的比華利山獨立屋居住。

鍾意就快D Share啦！

下一篇 》