滾熱辣
囡囡樣掀網上罵戰 盈盈嬲到喊 錢嘉樂：下個一定係仔
去年 3月錢嘉樂與湯盈盈的寶貝女 Alyssa錢凱晴出世，一雙小眼睛與圓圓的面極像爸爸，一個小鷹鼻就像媽媽。現時一歲五個月大的 Alyssa，雖說不上是小美女，但肥肥白白，卻十分可愛。
錢嘉樂與湯盈盈從不介意女兒曝光，不時帶住小可愛 Alyssa在身邊，甚至做訪問。日前錢家三口的生活照刊登在一個網站內，事後 Alyssa竟然被網民揶揄醜樣、女生男相。據知盈盈睇完嬲到喊，而錢嘉樂則苦笑回應：「唔緊要啲人話下個一定係仔。」為了湊成「好」字，盈盈最近頻頻去睇中醫，如果一擊中成功追仔，似樂樂都冇問題
在父母心中，子女永遠都是最漂亮的。盈盈樂樂的掌上明珠 Alyssa最近在 BB網站內被嘲女生男相，掀起一場網上罵戰。有少數網民毫不留情地嘲笑 Alyssa醜樣似男仔，引來大批網民反擊，大鬧留言者連小朋友都唔放過，亦有指女大會十八變。
網民的一番惡評，身為母親的湯盈盈句句入心。據知盈盈知道 Alyssa被嘲後，傷心得攬女大哭一場，要老公錢嘉樂安慰一番，心情才能平復。「 Alyssa一出世就俾人話似足錢生，盈盈本來覺得冇問題，呢個女好乖好少扭計，成日做埋啲得意樣，全家人都錫到佢燶。但最近成日都聽到有人話 Alyssa唔靚唔似媽咪，甚至喺網上話佢醜怪，做媽咪嘅又點會開心，盈盈仲嬲到喊㖭！錢生同佢講唔使理外人點睇，最緊要囡囡健健康康。」知情者說。
自嘲囡囡似元彪
其實唔止網民，就連獎門人曾志偉早前亦曾公開笑 Alyssa，指她長得太似錢嘉樂，就算他日離家出走也會很安全，因為沒人要。錢嘉樂當時亦笑住答：「獎門人話個女似爸爸係悲劇，但在我嚟講佢（ Alyssa）就好靚，似邊個都冇所謂，喺我心目中係喜劇。佢依家係似元彪同孟海，不過大大吓會變靚女。」還自爆囡囡第一次着三點式，自己都忍不住問：「錢嘉樂扮女人？」
其實 Alyssa唔止遺傳了爸爸的樣子，就連性格都是樂天派，女兒甚少哭鬧又易湊，難怪盈盈經常帶住 Alyssa周圍去。最近盈盈不用拍劇，亦少接其他 job，原來是為迎接第二胎做好準備。「 Alyssa差唔多歲半喇，盈盈同錢生有共識再追多個。呢排佢成日同周家蔚、文頌嫻研究生仔同生女嘅秘訣，話用咩排卵方程式，同埋跟清宮圖造人。盈盈仲頻頻幫襯一個出名生仔嘅女中醫，雖然唔係包生仔，但盈盈都快 40歲，唔係話有就有，想生都要調理好身體，佗都佗得易啲。」知情者說。
7月 7日下午 3時許，湯盈盈帶住囡囡及外傭入迪士尼樂園玩，原來洪天明一家三口與文頌嫻早已在內等她。當日 Alyssa穿上一條黃色連身短裙，頭上夾了一個黃色小夾，明顯是由媽媽盈盈操刀，使男仔頭的她看上去有女仔樣。雖然有外傭同行，但盈盈全程抱實女兒，或放於腰墊上。肥嘟嘟 Alyssa應該都有 30磅重，抱足四個鐘都幾吃力。
「仔女都係自己嘅」
對於女兒被指女生男相，錢嘉樂周二（ 22日）出發去澳門為電影睇景前苦笑回應：「冇所謂啲人話阿女似仔，下一個一定係仔！（係咪想追多個仔？）我哋係有計劃嘅，就算唔係仔都一樣開心，兩個女我都 ok，女我都錫，仔女都係自己嘅！有小朋友係開心嘢，凱晴快歲半喇！呢段時間我真係好開心，亦希望佢有個伴一齊長大。（盈盈最近有睇中醫調理？）佢有做運動，女人補吓都需要嘅！」
自從錢凱晴出生後，錢嘉樂修心養性，除了努力搵錢養女外，有時間亦留家湊女。無論女兒似邊個，都是父母的心頭肉，希望盈盈亦可以釋懷唔好動氣，下胎生個男版盈盈，唔好俾錢生嘅基因贏晒！
囡囡樣被揶揄
早前有 BB網站刊登了三張錢嘉樂提供的一家三口生活照，但 Alyssa竟遭網民嘲笑。整個 post有二百多個留言，有涼薄網民批評 Alyssa醜，引來過百人反擊護 B。
搵追仔聖手
湯盈盈、周家蔚與文頌嫻三姊妹夾啱時間大肚，最近又蠢蠢欲動想生第二個，不時圍埋研究怎樣可以一擊即中「追」到心中所想。據知湯盈盈幫襯的女中醫趙少萍，周家蔚懷第一胎前都是找她調理身體。有指客人服用她開的中藥後，九成都生仔。
趙少萍曾任香港中醫學會會長， 65年在廣州中醫藥大學中醫全科畢業，行醫約四十多年，在業界有「婦科聖手」之稱。記者曾以生仔為名求診，趙少萍解釋她以養卵為大原則，增加客人的受孕機會，她更教人記錄排卵的時間，從而掌握受孕的好時機。除陳慧琳外，原來才女梁芷珊、藝人陳松伶都是她的客人。
|
鍾意就快D Share啦！
|
|
|