熱爆娛樂: [壹週刊 1269] 翠蕭戀打擊唔食唔瞓　何傲芝急走 20磅翠蕭戀,黃翠如,蕭正楠,翠蕭,何傲芝,蕭正楠,黃翠如,M1,

2014年7月3日星期四

[壹週刊 1269] 翠蕭戀打擊唔食唔瞓　何傲芝急走 20磅翠蕭戀,黃翠如,蕭正楠,翠蕭,何傲芝,蕭正楠,黃翠如,M1,

105磅

探熱針

翠蕭戀打擊唔食唔瞓　何傲芝急走 20磅

蕭正楠被踢爆拖新歡黃翠如返家纏綿六十小時後，高調在《東張西望》公開愛的宣言，再被拍到二人沙灘玩水；與蕭正楠拍拖三年的何傲芝，為免仍在無綫的胞妹何傲兒受牽連，故對被小三翠如硬撬、再遭狂插拜金，以及有馬主新歡揸手的打擊，一直採取守勢，不作反擊。

谷埋一肚氣，過去兩個月食唔安瞓唔樂，收埋自己的何傲芝為翠蕭戀瘦足

廿磅。

放唔低

無綫開綠燈，受到高層曾勵珍公開祝福後，蕭正楠跟小三黃翠如公然在微博傳情，又在公眾場合拖手，肆無忌憚。有人快樂有人愁，男友被撬又不獲無綫續約，據了解，對外死撐，但實則對前度依然放不低的何傲芝，這個月來不斷消瘦。

「男友俾人撬走， GiGi（何傲芝）都只係留咗句『邪不能勝正』，問佢有咩意思，佢只係話睇完《東張西望》一個訪問有感而發，唔肯直接解釋。其實佢都係為咗個妹著想，何傲兒仲係無綫人，如果公開反擊蕭正楠同黃翠如，佢驚公司會攞細妹祭旗。令佢最谷氣係俾人話拜金，如果真係咁鍾意錢，佢冇可能同蕭正楠一齊三年。老實講， GiGi有好多人追，好多都係專業人士，全部有錢過佢前度。」何傲芝身邊人透露。

9/2013

圓碌碌 125磅

何傲芝跟何傲兒自細跟老豆入馬場，故認識不少有米馬主。

蕭正楠跟黃翠如早前被拍到在淺水灣沙灘拖手漫步。

二月，翠蕭戀合作《師奶 Madam》撻著，有指電視劇本來計劃八月推出，因怕翠如 BB小三形象影響，現無限期延遲。

扮無事

何傲芝有苦自己知，胞妹何傲兒亦要擘大眼講反話，指家姐甩拖後心情已回復平靜。

「對住出面梗係咁講！其實 GiGi成個人縮曬水，佢本來有一百二十幾磅，而家得番一百零幾，瘦咗成廿磅。食唔到瞓又唔瞓到，谷住啖寃屈氣，又唔可以隨便同人呻，佢好辛苦。」

上週六（六月二十八日）下午，何傲芝相約朋友入馬場，對於甩拖後瘦足廿磅，她繼續唔敢講真話。

「我一直都有努力減肥，希望可以上鏡靚啲。（胃口如何？）我好好食慾。（心情呢？）件事（甩拖）淡化咗，都 OK嘅。」

對將轉會 now做主持，何傲芝說：「係呀，會幫 now做一個賽馬節目，係 live嘅，多謝關心。」