全城熱爆的娛樂八封新聞 & 時事趣聞 & 生活 + 趣聞
黃德斌架摺合戰車，來自英國品牌 BROMPTON，連埋改裝費，過萬走唔甩。
跑步有益身心，加上有天後鄭秀文加「肯雅徐」徐濠縈做 running icon，跑步已經由運動變成潮流。 個個都跑，練得一身鋼條身形嘅黃德斌，唔跟大氣候，迷踩單車。
呢排天氣雖然時晴時雨，但黃德斌冇有怕，照約朋友出車，不過場雨愈落愈大，兩男唯有先去大牌檔食個番茄麵，避雨兼醫肚。 其間，唔少 fans要求合照，黃德斌來者不拒。是日黃德斌選擇嘅路段，係出名多「攞命斜」嘅中環 soho區一帶，守法又安全嘅黃德斌俾《壹》仔影完幾張相之後，戴番個單車頭盔，出發！
沿途都係暗斜，加上踩馬路，黃德斌戴單車頭盔，守法又安全。
粉絲輪流叫合照，黃德斌順得人。
男人的浪漫，黃德斌選擇食番茄麵配凍檸蜜。
