[壹週刊 1269] 開工撞車 交警氹番李霖恩 李霖恩,M1,

黎諾懿、張達倫同黃子雄等，留低陪李霖恩見交通警，果然好兄弟。

探熱針

開工撞車　交警氹番李霖恩

已落實追加至七百集的《愛•回家》，上週四（六月二十六日）拉隊到西貢白沙灣碼頭拍外景期間，劇中飾演律師的李霖恩，座駕被泊在旁邊的四驅車刮花，為免影響拍攝進度，唯有報警求助。

交通警殺到，循例講解處理程序後，便勸諭雙方私下和解，事後阿 sir更幽李霖恩一默：「你都係律師（劇中的職業），你應該清楚過我」電視劇角色入曬屋，李霖恩真人演繹！

拗唔掂數

上週四（二十六日）上午十一時，一眾「查李施律師事務所」員工，包括朱慧敏、黎諾懿、楊明、李霖恩等，齊到西貢白沙灣碼頭拍外景。當日陽光普照，氣溫超過三十度，每拍完一個鏡頭，隨即鳥獸散搵地方歎冷氣降溫。自己揸車到現場開工的李霖恩，返回座駕時發現左邊沙板及車門被刮花，而泊在旁邊的四驅車車主，已企定定準備「自首」。

雙方就汽車維修地點和價錢爭持不下，身為車房老闆的黎諾懿於是上前幫口。

「呢啲（刮花）拎返原廠整，三千蚊搞掂！」但四驅車車主堅持要李霖恩選擇到他的相熟車房進行維修，雙方各執一詞。

同時間，外景隊準備轉場，既然「傾唔掂」，李霖恩於是報警求助；劇中一班好兄弟黎諾懿、張達倫、羅天池及楊明等亦唔跟大隊，留低現場助威，而原本在公司車歎緊冷氣的查查黃子雄，亦落車為李霖恩座駕驗傷。

李霖恩的座駕左邊沙板和車門被刮花，傷痕明顯。

Cool爆的阿 Sir原來係《愛•回家》粉絲，仲話李霖恩係律師，撞車法律問題難佢唔到。

身為車房老闆，黎諾懿幫口調解撞車糾紛。

西貢外景全男班上陣，得朱慧敏一個女將。

阿 sir氹番

不夠十分鐘，兩位揸住鐵馬的交通警殺到，並分別向兩位事主進行了解。愛車毀容，李霖恩無曬表情講述事發經過，至於一班《愛•回家》好兄弟，則企埋一邊，又與搬汽水的工人影大合照打發時間。

了解完兩車損毀情況後，交通警力勸雙方私下和解，阿 sir更開玩笑開解李霖恩：「你係律師（劇中的職業），你應該清楚過我」搞到李霖恩哭笑不得：「阿 sir講呢啲！」之後便乘坐同事的順風車，趕下場繼續開工。

送汽水的工人把握機會，搵一眾《愛》劇演員合照。

有指蔣家旻、朱慧敏冇得留低《愛•回家》，原來湯洛雯都有份，但因為阿叔湯鎮業返無綫拍劇，才保得住姪女飯碗。

拍完每個鏡頭，演員、導演都會圍埋睇 playback，好認真。

鍾意就快D Share啦！

下一篇 》