掃呢頁CODE去手機

2014年7月3日 星期四

[壹週刊 1269] 搵齊腳 《衝上雲霄》終極版 鄭秀文變何年希嫁 Sam哥 佘詩曼踢走徐子珊搭 Cool魔 Cool魔,許冠傑,Sam,佘詩曼,徐子珊,鄭秀文,子珊,M1,




探熱針

搵齊腳 《衝上雲霄》終極版 鄭秀文變何年希嫁 Sam哥 佘詩曼踢走徐子珊搭 Cool魔

無綫去年宣布開拍《衝上雲霄》電影版後,除了原有班底 Sam哥及 Cool魔肯定會留低,古天樂加入做飛機師外,女主角人選一直未有定案;電影七月中開機,據了解,何年希已落實由鄭秀文飾演,至於 Cool魔的另一半,有份投資電影的無綫本來意屬徐子珊,但臨門一腳,卻被已回巢的佘詩曼頂走。突然被飛,徐子珊近日頻頻請假,發洩不滿。

重新洗牌

上週二(六月二十四日),跟一班朋友遠飛米蘭過三十五歲生日的徐子珊,校啱時間,是日晨早六點才返到香港,返貝沙灣屋企放低行李,幾粒鐘後再出外做宣傳活動,玩到最後一分一秒。

「早排徐子珊突然收到通知,話唔使佢拍《衝上雲霄》,後來仲知道個角色換咗阿佘做,到手嘅嘢俾人截咗,佢梗係好唔開心,所以近排成日請假,就算《點金勝手》出緊街,佢都懶懶閒,唔係好俾力。」知情者說。

據了解,徐子珊之所以被踢走,跟佘詩曼去年回巢娘家後,樂易玲曾答應對方,公司投資開戲,必定預她做女一有關。

「舊年無綫走咗好多人,冇曬一線花旦咁滯,樂大媽搵阿佘返去,拍曬心口應承幫佢喺電影圈發圍,所以大媽今次好堅持,要監製梁家樹幫手,點都擺阿佘入《衝上》,阿佘為咗呢部戲,本來應承咗同黃秋生合作電視劇《梟雄》,後來都推咗唔拍,無綫唯有搵胡杏兒頂阿佘,至於杏兒本來要同錢小豪拍嘅《武當》,就搵咗楊怡補位,從新執牌。」

電視劇《衝上雲霄 2》拍巡禮片段時,徐子珊本來有份做機師配黃宗澤,最後二人齊齊被飛,今次徐子珊又再出局。

徐子珊

臨時被飛起的除子珊,最近頻向公司請假, 6月 17日與朋友飛米蘭慶祝 35歲生日,玩到 6月 24日才早機回港,同日下午才出席《點金勝手》宣傳。

無綫諗縮數

據了解,會在戲中飾演 Cool魔前度女友的佘詩曼,因為要同飾演正印的內地女星楊子珊(電影《致我們終將逝去的青春》女主角)瓜分張智霖,佔戲唔算多。

Cool魔另一半變陣, Sam哥亦有新拍檔。一直有指拍劇期間,經常跟兩個男主角有爭拗,好有自己一套的陳法拉果然冇得留低,由人妻 Sammi配不曾合作過的吳鎮宇做夫婦,新加入的古天樂則跟台灣郭采潔做一對,玩異地情。

「套戲預咗要飛去唔同地方拍外景,本來話叫齊成班演員飛去第二度做開鏡拜神儀式,但無綫突然改變主意,話想喺番邵氏搞,但到而家都未有正式時間表。」知情者說。

鄭秀文飾演的何年希被安排與吳鎮宇成為一對,新鮮感十足。

鄭秀文

楊子珊

Chilam最有艷福,先有阿佘做前度女友,再有來自內地《致青春》女主角楊子珊做現任女友。

佘詩曼

型男古天樂加入做機師,會與台灣的郭采潔有感情線。

郭采潔

鬥餐飽

娛樂圈女星除了鬥靚,鬥戲份、鬥身價、鬥待遇,總之乜都鬥一餐,有你冇我!徐子珊鬥佘詩曼,勝負分明。

李麗珍 李若彤

去年曾志偉打人情牌搵外援幫無綫拍《 M CLUB》,有指因戲份分唔勻,令由主角變大配角的李麗珍,極度唔妥第一女主角李若彤,更試過玩失場以示不滿。

陳法拉 陳敏之

在劇集《東西宮略》中,夏迎春陳敏之與鍾無艷陳法拉除了在鏡頭前鬥個你死我活,私下亦面和心不和,有指陳敏之不滿對方戲份比自己多而向監製投訴,而陳法拉亦反指她拍《東》劇期間,經常度期接搵錢 job,搞到甩場。

張栢芝 章子怡

11年,章子怡、張栢芝夥拍韓星張東健拍電影《危險關係》,未埋位,兩位女星已為片酬、戲份暗地較勁,電影在北京舉行記者會時,記者問章子怡是做第二女主角,她更即場發老脾。



鍾意就快D Share啦!