掃呢頁CODE去手機

2014年7月24日 星期四

[壹週刊 1272] 老細幫口 周麗淇踢走林峯 林峯,周麗淇,M1,




近日無綫急召林峯周麗淇為劇集配廣東話版,二人均未肯俾出檔期。

探熱針

老細幫口 周麗淇踢走林峯

由林峯周麗淇孭飛、 nowTV投資五千萬製作的內地劇《衞子夫》(原名《大漢賢后衞子夫》),已落實八月二十日在浙江衞視播出,到年底,亦會在無綫及 now出街。

原來,當日樂易玲幫林峯簽合約時,訂明劇集在內地播出期間,起用由鄧智偉作曲、林峯主唱的《江山背后》做主題曲。但時至今日,鄧智偉已劈炮,林峯同無綫約滿,樂大媽亦懶得為林峯爭取連歌帶劇在香港播出,女主角之一的周麗淇,決定乘虛而入,搵埋老細任賢齊合唱,誓要爭贏唱《衞子夫》主題曲。

去年八月周麗淇生日,林峯帶同女友吳千語一齊賀壽星女,但近日二人卻因爭唱主題曲不和。

大岳娛樂出動任賢齊與 Niki合唱,黃品源作曲加五月天班底製作,力撼林峯。

重新包裝

原本以林峯掛頭牌吸客的內地劇《大漢賢后衞子夫》,拍罷大半年依然無內地電視台肯買,令投資方華策影視十分頭痛,後來將電視劇易名《衞子夫》,改以內地上位女星王珞丹主打吸客,才成功賣出,劇集將於八月二十日,在浙江衞視播放。

「林峯之前套《紫釵奇緣》唔收得,搞到今次套劇遲遲賣唔出,最後套劇要改名《衞子夫》,重點擺番喺內地演員王珞丹身上,同時由五十五集剪到四十七集,先有電視台肯要。」一名製作人說。

去年三月樂易玲幫林峯簽約,放出一哥檔期幫 nowTV拍劇,合作條件訂明在內地播出時,必定要起用鄧智偉作曲、林峯主唱的國語歌《江山背后》做主題曲。

「一直以嚟,鄧智偉都係樂易玲派系嘅人,幾乎大部分無綫劇嘅主題曲,都俾佢做晒,就算舊年林峯簽約 nowTV拍《衞子夫》,都指明要用鄧智偉首歌,外人根本無得爭。」知情者說。

林峯人氣下滑,內地宣傳重點亦由林峯演的漢武帝轉移到飾衞子夫的內地演員王珞丹身上。

有指林峯自組公司,會簽埋離巢無綫的鄧智偉做音樂製作。

拒絕配音

六月底樂易玲慶祝生日,黃宗澤俾面到賀,林峯卻無影。

然而事隔一年多,形勢已大有不同,鄧智偉去年十月劈炮唔撈無綫,而一直是樂大媽頭號愛將的林峯,六月完約後,已經唔再係無綫人。

「年底無綫同 now都會播《衞子夫》,而家林峯同鄧智偉唔再係無綫自己友,主題曲隨時有變動,林峯嗰邊梗係想用番《江山背后》做主題曲但都有份拍呢個劇嘅 Niki(周麗淇),佢公司大岳娛樂不停同無綫講數,話論名氣,由黃品源創作、任賢齊同 Niki合唱嘅《我的愛有你才完美》,點都搶過林峯嗰首喎。」知情者說。

主題曲未知鹿死誰手,但近日無綫召男女主角返公司為劇集配廣東話對白,林峯居然玩嘢。

「無綫希望用番林峯同 Niki把聲先出街,但爭緊唱主題曲嘅林峯又唔肯合作,覺得自己同公司冇晒合約,配合係人情,唔配亦係道理,繼續唔肯俾面樂大媽。」

乜都爭

娛樂圈競爭大,為保持曝光機會,不論角色戲份抑或主題曲,爭咗無蝕底。

葉蘊儀 vs李麗珍

曾志偉碌盡人情卡請來一班九十年代女星埋位拍《 M Club》,女多自然是非多,一直有傳李若彤跟李麗珍爭戲份不和,但原來葉蘊儀亦暗地裡冧曾志偉,搶戲爭埋一份。

胡杏兒 vs鍾嘉欣

11年,同屬 Neway唱片公司旗下歌手的胡杏兒和鍾嘉欣,齊齊孭飛拍無綫劇《耀舞長安》,二人冇爭戲份,反而爭唱主題曲,仲搞到開工時面阻阻,為免傷和氣,結果決定交由王祖藍唱主題曲。

郭富城 vs鄭伊健

98年,鄭伊健與郭富城拍攝電影《風雲》第一集時,已屢傳不和,爭戲份、爭排位、爭唱主題曲,最終二人各自唱一首主題曲平息

風波。



鍾意就快D Share啦!