掃呢頁CODE去手機

2014年7月24日 星期四

[壹週刊 1272] 厚此薄彼 劉美君大魚大肉 吳千語黃又南捱飯盒 又南,黃又南,劉美君,吳千語,千語,M1,




探熱針

厚此薄彼 劉美君大魚大肉 吳千語黃又南捱飯盒

DJ劉偉恆執導新片《王家欣》,除了有吳千語、黃又南孭飛做男女主角,更碌人情咭,氹掂身在美國湊孫的劉美君返港演出。小品電影、資金有限,好在劉美君肯講心唔講金,劇組於是日日預備海鮮大餐慰勞,再配指定牌子法國礦泉水。太后式款待,相對吳千語跟黃又南日日捱食飯盒,真係同戲唔同命!

專幫新人

離開香港轉眼十四個月,劉美君一直留在美國休息、湊孫,享受生活,直至電影《王家欣》監製伍健雄出面游說演出,人情牌一出,即使片酬有限,但仍打動於○八年憑《我不賣身、我賣子宮》奪得金馬影后的劉美君,結束悠長假期返港,她說:「我同雄仔(監製伍健雄)好 friend,加上知道導演個古仔寫好咗六年,今時今日先有機會開拍,我份人鍾意幫新人,因為連新人都唔幫,藝術事業就會玩完。同我合作過嘅人都知我嘴刁,但劇組好 sweet,知我鍾意食乜就每日安排俾我。」

開工有食神

劉美君最愛食海鮮,當日入到坪洲,監製親自到街市入貨,揀了條三斤重細鱗、蝦以及鮑魚,仲有監製陪坐陪食兼俾錢。

「我鍾意 organic,海魚係野生魚,養魚唔好食咁多。我哋休息地方係間酒樓,一陣俾佢哋煮,咁新鮮一定好好味!拍完套戲我會去韓國玩幾日,之後再返美國。」劉美君說。

每日開工前,劉美君都會到坪洲街市揀海鮮,今次她揀了條三斤的細麟及鮑魚,作為是夜的晚餐。

好啱 key

劉美君大魚大肉,反而兩位男女主角黃又南同吳千語,只能餐餐捱飯盒,但吳千語話天口熱,就算食龍肉都冇味。「天氣太熱,食嘢冇乜胃口,飯盒都係食幾啖食唔落。」

食嘢冇胃口,好在同新拍檔黃又南合作有火花:「又南係個好多嘢講嘅人,我本身都多嘢講,對住佢真係遇到對手,大家 friend啲可以演得自然啲,唔使就住。」至於食緊飯盒嘅又南,亦加把嘴:「拍咗六日已經曬黑,之前咁啱洗完牙,而家咁黑,屋企人話我係黑人牙膏。」

吳千語首次與黃又南合作,兩位都是健談之人,所以一拍即合。

放假放了十四個月的劉美君,演出收放自如,是位經驗老到的演員。

黃又南在戲內常常自彈自唱,就算未埋位,也會拿着結他跟大家大唱大跳,相處很融合。

電影故事圍繞着坪洲而發生,劇組搭了不同的景,其中一個是百人盆菜宴。

導演劉偉恆(左一)是 DJ出身,首次執導的他等了六年才等到有投資者出現,希望在劉美君、吳千語、黃又南及糖妹等人合演下,《王家欣》可有好成績。

監製伍健雄與劉美君老友鬼鬼,○八年伍健雄找她拍《我不賣身、我賣子宮》,結果她憑此片奪金馬獎影后,而建立了深厚的友情。



鍾意就快D Share啦!