生完身材冇乜點走樣嘅應采兒，是日迷你裙露半髀上陣。
同你吟一吟
應采兒財多身子弱
舊年七月幫老公陳小春誕下囝囝 Jasper嘅應采兒，雖然已經正式復工，但講到搵奶粉錢，小春先係主打，不過應采兒一樣有怨言，原來佢抱仔抱得多，搞到盆骨歪要睇醫生，所以佢喺社交網站留言，命令小春返香港做湊仔公。
上個禮拜一（十四日），《壹》仔喺銅鑼灣見到應采兒，著住超短裙，行路急急腳，睇嚟盆骨傷勢冇佢講得咁嚴重，起碼事隔幾日，仲見到應采兒帶埋 Jasper去睇紙熊貓。
即係咁，應采兒隔空詐嬌，都係想引小春注意，不過當八珍見到地產消息，話應采兒今個月初賣出持貨四年嘅大埔康樂園單位，賬面執 255萬，講到尾，陳太似係財多身子弱囉！
|
鍾意就快D Share啦！
|
|
|
