唔係想歧視鬥雞眼，但裴聰個間尺鼻，令對眼拉近唔少距離！顧此失彼，仲有佢件泳衣，顧住谷胸，冇留意到下身移位。
同你吟一吟
點解仲要選亞姐
一年容易又亞姐，但近呢十幾年，能夠令人印象深刻、叫得出佢個名嘅亞姐，冇。
上個禮拜五（七月十八日），亞視安排 35位水著佳麗，响深圳見傳媒。燕瘦環肥，在場記者本來心中有數，只係估唔到 35位佳麗當中，叫做個樣正常些少，居然得兩個。
要數無論樣貌、身材都令人一見難忘，有來自山西嘅裴聰，雖然有 C級上圍，但過度整容五官加無敵鬥雞眼，「美貌」簡直令人抖唔到氣。
其次有離奇頭大身細嘅方穎、瘦到似營養不良嘅吳凱瑩，以及手臂同背脊有紋身、現場著三點式示範瑜伽嘅陳秀華。
如題：點解仲要選亞姐？答案可能係：得啖笑！
騎呢瑜伽
手臂同背脊都有紋身，不過最百思不得其解嘅係，點解要著三點式示範瑜伽？
|
鍾意就快D Share啦！
|
|
|