為拍新片， Anita睇過葉子楣兩部《霸王花》系列電影作參考，笑稱自己被封「翻版葉子楣」全因大家都是走性感路線，但性格卻有很大出入。
探熱針
香港最強 body 新波霸 36G奶凸起
近幾年本土𡃁模熱愛打「假波」，無論經醫生後天加工，抑或人為僭建呃視覺效果，真定假，一眼就睇得出。
要真正豪乳無添加，只有在電影《辣警霸王花》中，重演當年葉子楣波霸角色的影壇新人崔碧珈（ Anita）。擁有 36G如假包換波霸身材，絕對稱得上香港最強 body！
碩士波霸
被稱為「翻版葉子楣」的崔碧珈（ Anita），現年 26歲，父母早年離異，父親在內地開製衣廠， Anita原本在英國讀工商管理系碩士 2年級，前年放假回港時，到電影公司面試被 Paco睇中，加入太陽娛樂，隨即放棄學業加入娛樂圈，曾參演過《喜愛夜蒲 2》、《 Delete愛人》、《飛虎出征》等電影，上月，為錢國偉執導的處女武打片《辣警霸王花》演出， 38G驕人上圍引起網民高度關注，成為新生代性感女神。
歡迎任𥄫
因為 G奶身材，加上樣貌有幾分似高登女神謝安琪，崔碧珈（ Anita）一眼就俾導演錢國偉𥄫中，安排她在新片《辣警霸王花》中，翻演葉子楣當年在《神勇飛虎霸王花》中的波大無腦霸王花角色。由於崔碧珈擁有 36G最強 body，套戲未上畫，已經迅速被起底，凸圍而出搶埋女主角岑麗香風頭，更獲封為新波霸。
除了 36G big爆身材殺食，崔碧珈更加性感無底線，像拍攝泳衣照當日，忘記帶乳貼的她，索性真空上陣，連雙面膠紙都懶得黐，因為她相信只要身材夠堅挺，唔怕會離罩走光。一再強調身材如假包換，崔碧珈在鏡頭前更表現大方，從不遮遮掩掩怕走光，甚至唔介意俾同場泳客眼望望。
「因為我之前喺外國讀書，嗰邊個個女仔都係咁樣，我覺得性感對我嚟講冇乜問題，同埋我自己都鍾意。（有冇底線，會唔會接受露點演出？）我都有同公司商量過，如果有適合嘅劇本同角色，配合劇情需要，我都唔介意。」
仲要加大
雖然已經擁有 36G最強 body，不過崔碧珈嫌未夠大，人如其名已經 big都仲要加，在拍攝《霸王花》時，專登加了兩個 nude bra做出 38H效果，結果搞到 G奶生水泡。
「我係完美主義者，覺得好多地方仲可以改善，我想自己瘦啲，但上圍同臀部想再肥啲，一般香港人都好少留意臀部，我想再翹啲同圓潤少少，希望減肥之後上圍唔會縮水，睇落大咗就 OK喇！」
崔碧珈唔怕升 cup重負擔，不過暫時不會考慮做隆胸手術。
「始終做手術有風險，暫時唔會諗住，可能過多二三十年老咗先會再考慮，而家我三管齊下，食多啲木瓜、魚頭同膠質食物，做運動，同埋每晚瞓覺之前都幫個胸按摩，希望用呢啲方法可以天然豐胸。」
Big Ball Club
娛樂圈多年來「豪乳」輩出，但數到一代經典波后，葉子楣、彭丹絕對係經典人物。
葉子楣
擁有 36H上圍，被稱為「波霸」的葉子楣， 85年亞視訓練班出身，一直堅守三點不露原則， 91年憑三級片《肉蒲團之偷情寶鑑》跟徐錦江的激情戲走紅，票房勁收 1,800萬，成為紅極一時的艷星，其後認識了骨科醫生呂錫照，便淡出影壇。
彭丹
曾獲美國多項選美冠軍，擁有 36D、 24、 36魔鬼身材的波神彭丹，配合「一字馬」、「拱橋」等招牌動作成名，在電影《狼吻夜驚魂》中的豪放演出更成為一時佳話。雖然彭丹演出過不少裸露鏡頭，但一直堅守三點「不」露防線；近年，轉戰大陸發展，被稱為「紅色異形（藝人）」，專拍愛國電影。
|
鍾意就快D Share啦！
|
|
|