【新鮮娛頭】胎位不正 臨時剖腹 吳辰君誕7.7磅女
2014-07-28 07:30:00
吳辰君囡囡叫Mia。(台灣蘋果日報圖片)
現年35歲嘅吳辰君前日喺台灣剖腹誕下女兒Mia，體重7.7磅，噚日佢話：「謝謝大家的關心，我已經生囉！」仲有Mia嘅新相睇，辰君手抱頭髮濃密嘅B女，一副慈母樣，新任媽媽對囡囡愛不釋手，又將佢放喺自己床邊陪伴。
原預產期為前日嘅辰君，一心諗住順產，點知因為胎位不正，臨時改為剖腹產女，睇到囡囡出世，辰君感動到一直喊，老公廖懷南從內地飛到台灣陪老婆，辰君滿足話：「看到女兒很健康，一切辛苦都值得。」
呢兩日新手媽咪嘗試餵母乳，但擠奶、宮縮、剖腹令傷口仲痛，佢想笑又唔敢太興奮，有女萬事足嘅辰君話：「女兒皮膚很白，看起來粉粉的，身上沒有任何胎記。」佢仲大讚老公：「老公很開心，也很辛苦，要同時照顧我和女兒，一邊要扶我上廁所，一邊又要抱baby。但他表現很好，還會幫她擦屁屁、換尿布，半夜會哄她、拍嗝，老公很偉大。」
呢兩日新手媽咪嘗試餵母乳。(台灣蘋果日報圖片)
好多頭髮啊！(台灣蘋果日報圖片)
(台灣蘋果日報圖片)
|
鍾意就快D Share啦！
|
|
|