[FACE 371 大專校園] 半年棄讀中大 科大索模鍾意 Danso夠癲！ 黃慧慈 MF,

身高 173cm，亦是高材生， DSE考獲兩科 5星及 3科 5， Helen坦言會令不少男仔卻步：「雖然我將來都想做女強人，但女人最終都係想結婚生仔，所以希望可以喺大學搵男友！」

U花 U草

半年棄讀中大　科大索模鍾意 Danso夠癲！

科大出名讀書壓力爆燈，入得科大預咗要讀到天昏地暗，好多學生未入學先嚇驚。

但現讀科大工商管理 Yr.1的黃慧慈（ Helen），去年本來已經在中大讀了半年，但忽然選擇退學，以同一次高考成績再報科大工商系，為終極會計師夢想進發之餘，仲想由中學乖乖女變喪玩妹，「科大唔係個個都係書蟲，我偏偏唔怕壓力大，希望上莊再玩埋 danso，入大學梗係要去盡」

其他影片：>>入科大跳舞

1.點解唔讀中大？

自做了 model後， Helen就愛上化妝，每次都會化靚靚出街：「除咗會計師，我都想做一啲化妝品牌的 MT（管理見習生），可以日日對住啲化妝品。」

上年經 JUPAS入咗中大經濟系，讀咗半年，發覺唔係好適合自己，一來我大部分朋友都入咗科大，二來我入 U都想上莊，我覺得科大上莊時，大家一齊著曬 full suit，好型好 pro啱我性格多啲，三來我想成為會計師，所以我讀咗一個學期就離開中大，我覺得科大文化啱自己多啲，於是用同一次成績再報 JUPAS。而停學呢半年我就全職做 modelling，拍過宣傳片、嚟緊我個廸士尼電視廣告就會出街，我喺香港都有幫會計學會行 catwalk㗎！

2.唔怕玩 danso又上莊太辛苦？

最初因貪靚而做 model，但後來 Helen發現靚的背後原來十分辛苦：「有時做 model要等 5、 6個鐘先正式埋位，之後影幾個鐘可能都係同一個甫士，同我初初諗做 model好舒服好唔同，畀我見識到好多嘢！」

我細個已經好鍾意跳舞，三歲開始跳芭蕾舞，中學開始轉跳 jazz，都跳咗十五年。聽講科大嘅 danso好癲好好玩，所以我好想加入。我知科大讀書好辛苦，但我喺中學好勤力讀書，所以入到大學想玩多啲嘢，想入 danso又想上莊，希望大學 4年唔係淨係得讀書，瞓少啲都冇所謂！

嚴父　管舞衣

由細到大都跳芭蕾舞、中國舞等較優雅的舞蹈，但 Helen（右）因為貪型，所以在初中就轉跳 Jazz：「我都哄咗爸爸媽媽好耐先俾我跳，當然都係唔俾著短褲短裙。」

客串　科大 model

未入科大前， Helen已經有參加科大的活動，客串幫會計系系會行 catwalk，「我都好想上會計系嘅莊，好期待一班人一齊著 suit莊好 pro咁影相。」

3.父母支持做 model？

由離開中大到做 model，身邊好多朋友都會覺得好衝動，到時入唔番大學，兩頭唔到岸點算，好在爸爸媽媽仍然全力支持我，話我都咁大個女，開心知自己做緊咩就得，仲話科大唔收我，就供我出外國讀。其實由到大父母都管得我好嚴，唔俾我同朋友出街，唔只夜街，朝頭早都唔得，買衫一定要俾佢哋過目，短褲短裙一定唔俾，但我細佬買衫出街都好自由，所以細個唔識諗都會嬲佢哋。正正因為中學咁嚴，所以入到 U我先想玩盡啲。但我亦唔會令父母擔心，做 model都唔影私影、唔著性感衫。

鍾意就快D Share啦！

下一篇 》