掃呢頁CODE去手機

2014年7月2日 星期三

[FACE 371] 玉背長腿 連詩雅白滑引仔 連詩雅,MF,




拍處女國語歌〈時間開的玩笑〉 MV,導演要求 Shiga激喊,但因要用多個唔同角度拍攝,所以拍一場喊戲都喊足 3粒鐘,好考演技。 Shiga嘅白滑長腿慘被鐵鏈鎖住,比喻失去自由嘅愛情,唔怪得要激喊。

FBI

玉背長腿 連詩雅白滑引仔

上週六( 29日)啱啱 26歲生日嘅連詩雅( Shiga),感情生活一直鬼咁豐富,仲畀報紙踢爆埋新戀情添,據 FBI所知, Shiga同新圈外男友原來開始咗冇耐咋!有男友錫,難怪唱起情歌特別有感情,所以之前唱嘅〈到此為止〉同〈說一句〉 hit中年輕人心聲,喺 YouTube同 K場啲 hit rate持續高企。

新歌銳意進軍大中華市場, Shiga要以最佳狀態示人,煞食玉背喺打燈後更加滑一滑。

話曬 Shiga都出道咗 4年, FBI知道 Shiga今年頭已經想衝出香港,有進軍大中華市場念頭,所以最近泡製好入行以嚟第一首國語情歌〈時間開的玩笑〉,拍埋 MV打算攻大陸同台灣市場。 MV裏面, Shiga唔只展示理性同感性一面,仲要騷埋演技,因為有佢喊到收唔到掣嘅鏡頭,雖然 Shiga有拍開戲,但因導演為求捕捉 Shiga多角度喊樣,所以單單一個激喊鏡頭已拍足 3粒鐘,最慘係 Shiga亦冇停過喊足 3粒鐘,卒之喊到眼都腫曬,陰公豬囉!不過 MV入面可以睇到 Shiga露背、曬長腿同玩透視的畫面,宅男有福呀!幻想嚇好喇!

白紗

Shiga話, MV中佢要展示感性一面,呢個感性造型, Shiga只用白紗遮掩上身露大背脊,其實係性感至真!

透視

另一方面, Shiga亦有理性一面,呢個理性 look, Shiga梳咗個 all back頭,話就話展現女性嘅堅強,但著住件透視衫若隱若現,難怪啲歌喺 YouTube點擊率次次都超高。



鍾意就快D Share啦!