掃呢頁CODE去手機

2014年8月7日 星期四

[壹週刊 1274] 爆新 look 沒女 Meggie 餵飽李治廷 李治廷,M1,




經過半年大執, Meggie翻新樣比起參加《沒女》時,真係正常好多。

探熱針

爆新 look 沒女 Meggie 餵飽李治廷

繼《盛女愛作戰》、《求愛大作戰》後,無綫再炮製真人騷節目《沒女大翻身》,七個被形容為神級騎呢港女,進行為期半年的大翻身,由心靈到外觀,全經導師團隊徹底改造。

打頭陣出場的沒女極品 Meggie,樣貌「驚」為天人,對靚仔情有獨鍾,追過黎明,餵過李治廷,抽盡型男水的爆 seed醜女,經過半年改造後, Meggie個樣果然唔同晒,節目出街前,她再補打 botox,落重料大執!

愛死黎明

被形容為人間悲劇、沒女中極品的三十四歲醜女 Meggie(陳子懿),大牙肉插蘇鼻「鞋抽」面,配埋把雞仔聲同冬菇頭髮型,外表睇,是七個沒女中最具殺傷力一個。

雖然擁有神級外貌,但無阻 Meggie對靚仔的熱切追求,除了是黎明的死士粉絲,在她的社交網頁內,更發現唔少黐住型仔男模,流晒口水的亢奮集郵照。

自《沒女》宣傳片出街後, Meggie馬上被黎明 fans認出,而被偶像力捧的歌手李治廷,同樣獲她「愛尋迷」。一一年,李治廷舉行聖誕歌迷聚會, Meggie執到好籌,上台爆牙肉餵食蛋糕,至於「艷福」無邊的李治廷,則努力唧出笑容,「硬食」溫柔。

11年,原本深愛黎明嘅 Meggie轉嗒李治廷。偶像搞聖誕歌迷聯歡, Meggie上台餵李治廷食蛋糕。餵落去嗰吓,幾睇李生個樣……

還原靚靚拳

「 Meggie喺 Leon fans堆中有個綽號叫 Meggie Leon,佢同其他頭號 fans一樣,逢車必追,逢場必到。可以有咁多時間追星,因為佢成日俾人蝦,份份工都做唔長。聽講佢拍完個節目整番好個樣,已經搵到工,喺國泰航空餐飲部做咗三個月,第一次打工順利過到試用期。」知情者說。

上週三(七月三十日)上午,經過「全面」翻新的 Meggie,離開天水圍寓所往尖沙咀,搵整形外科醫生鄭明孝執漏;怕宣傳片出街後被人認出, Meggie一上車便戴口罩。

有專人教路, Meggie的冬菇頭已換上清爽短髮,整過棚牙再減肥,由極品醜女提升到接近正常,雖然驚嚇度大大減弱,但天生面長頸長,驟眼看仍跟迪士尼卡通電影《魔雪奇緣》中的詼諧野馬,似到十足十。

去到醫學美容中心, Meggie跟護士說:「 Book咗十一點打 botox!」

原來趁節目出街前夕,作最後衝刺。做完療程, Meggie便坐車返東涌上班,其間每逢路過見到鏡,必定停步照爆,自信心返晒嚟。

誓師大會七條「沒」路狂花現身,各有嚇人賣點。

熱切黐靚仔嘅佢,同兩個大隻男模合照幾亢奮。

30/7

打 botox

為咗喺節目出街前執正啲見人,當日早上 Meggie戴住口罩從天水圍屋企趕出尖沙咀搵美容醫生。失魂的她,上到美容中心先記得要落番下一層,搵醫生打 botox針。

初戀遭騙財

在節目大喊:「我一生註定係失敗!」的 Meggie,因長相關係,自小遭人排斥,更曾經自殺。三十出頭,只拍過一次拖,但初戀男友居然是愛情騙子。

「當時有個叫子華,三十零歲嘅男仔追佢,我哋都有提醒 Meggie要小心,最終個男人話搞生意,氹 Meggie借八十萬俾佢;佢俾仔瘟,竟然瞞住阿媽將間居屋做二按,借咗幾十萬俾對方,仲借埋財務公司,個衰人收到錢就人間蒸發! Meggie當然傷到入肉,仲累埋阿媽每個月淨係還息,都要一萬三千五百。」知情者爆。

有指 Meggie在《沒女》心靈劇場中,見到有人扮拋棄妻女的父親和呃錢男友時,觸動埋藏多年的舊傷,歇斯底里震撼全場。

「佢阿媽當年俾老公拋棄,唔信男人,亦都唔想個女信男人,所以由細到大將佢打扮到好騎呢。但睇過佢父母嘅相,個樣都好正常,唔知點解 Meggie會正正得負。」知情人說。

31/7 四粒鐘食足五餐 第 1餐

花半年減肥成功嘅 Meggie,當晚六點開始,佢先喺中環食沙津。

第 3餐

之後一個再轉場隊兩碟壽司,然後第三場去飲杯咖啡。

第 5餐

未食飽,再過尖沙咀會合朋友食晚飯。仲未滿足,與友人食埋甜品,一晚之內食足五餐。

有番自信後, Meggie行街都好鍾意照爆鏡。

數月前鄭多燕來港,同千人齊跳減肥舞, Meggie捧場仲成功黐到鄭多燕影合照。

爆炸導師團

雌雄同體教練 王君萍

外號「鴨仔」的王君萍,有十八年私人健身及體能教練經驗,身邊學生盡是名人藝人如何超蓮、張敬軒、 G.E.M.及陳偉霆等。 05年,王君萍贏得「香港最具潛質運動員」獎項, 08至 09及 2011曾獲選香港十大傑出健身教練,並成為 2013年 Life Fitness世界十大教練;並連續多年贏得「亞洲女子健美錦標」冠軍及「東亞健美錦標賽」女子健美冠軍,健碩外形,難以一眼辨認出係女兒身。

溝通技巧培訓師 劉綺華( Eva)

在《沒女》句句到位、字字鏗鏘的導師 Eva,曾在第一輯《盛女》出過場,她以過來人經歷,教沒女們如何從歧視贏來尊重。 90年 Eva移居加拿大,受盡同學排斥,幾經努力融入圈子,之後成為首位香港移民生,被卑斯省大學戲劇系取錄的學生。其格言是「尊重係自己賺番嚟!」因為在加國舞台界發展一般, Eva 08年決定回流,自創一套獨特提升訓練及發聲的技巧,不少企業界高層也拜她為師。



鍾意就快D Share啦!