[壹週刊 1274] 靚靚 COOL過張智霖 靚靚,張智霖,袁詠儀,M1,

同你吟一吟

靚靚 COOL過張智霖

嚟緊兩個月，張智霖要賣身俾《衝上雲霄》電影版，埋位再做 Cool魔前， Chilam先交人俾老婆袁詠儀同囝囝魔童。

繼上個月舉家外遊放暑假，上個禮拜又一家三口去銅鑼灣行街街。爭取時間，喺時代廣場 City'super上完糧，排隊等俾錢期間，靚靚同魔童行去另一邊買麵包， Chilam俾完錢再去搵番老婆，分頭行事。

唔想魔童入鏡，靚靚做人肉牆教囝囝從後箍住自己。

安全經過《壹》仔鏡頭後，七歲魔童即刻生猛，企上購物車俾媽咪推住行。

買完 call司機接，因為近放工時間，架車遲遲都未返頭，靚靚同囝囝於是匿响 Lane Crawford入面涼冷氣， Cool魔卅幾度戙响街做「天文台」，又不停打電話問住司機去到邊，其間仲要做埋友誼先生，同路過 fans合照握手，一啲都唔 cool。

等呀等，足足十分鐘，司機終於到。收到老公電話，靚靚教定魔童，出嚟一二三衝上車。 Chilam係 Cool魔，靚靚絕對係 Cool爆！

打咗幾次電話，司機都未到，其間有媽咪 fans搵 Cool魔同囝囝合照，又有途人上前握手， Chilam有求必應。

冇化妝嘅靚靚，喺 Lane Crawford涼住冷氣等，見《壹》仔鏡頭仲「隊」住佢，非常唔 happy。

司機終於到， Chilam氣定神閒，靚靚同囝囝就極速撲上車。

鍾意就快D Share啦！

下一篇 》