2014年8月7日 星期四

[壹週刊 1274] 古仔擒佘 剃 Sammi眼眉 Sammi,古天樂,古仔,許冠傑,Sam,鄭秀文,M1,




吳鎮宇繼續做 Sam哥,但著飛機師衫嘅 Sammi,唔係扮何年希,戲中佢飾演一個歌手,同 Sam哥發展感情,至於老拍檔兼舊情人古天樂,同 Sammi幾乎零接觸。

同你吟一吟

古仔擒佘 剃 Sammi眼眉

講咗大半年嘅電影版《衝上雲霄》,星期日(八月三日)終於切燒豬開鏡,男主角繼續有 Sam哥吳鎮宇同 Cool魔張智霖,再加碼古天樂、鄭秀文、佘詩曼以及台灣女神郭采潔,卡士夠晒強。

三生三旦當中,有傳袁詠儀知道「姣佘」出沒,於是落晒 order唔准 Chilam同「舊相好」做情侶;另一邊廂,又有傳 Sammi因為怕「老公」許志安,所以拒絕同古天樂做兩夫婦拍另一部電影《 5個小孩的校長》,就算今次有份合作《衝上》,兩個完全冇感情線,戲中造型又紋身又剃眉嘅 Sammi,會同 Sam哥一對。

手指手臂同頸都有紋身外, Sammi仲繼 Nike眉之後,再嚟斷眉!夠晒潮。

Sammi配吳鎮宇,阿佘 mark古仔,至於 Chilam,就會同台灣演員郭采潔(小圖)有感情發展。

要左閃右避,阿佘同古仔做一啤,安樂晒!聽講兩個去到英國外景時,會有場激情戲;電視版嘅陳法拉有背脊睇,搬到上大銀幕,尺度鬆咗,場激情戲,冇理由係阿佘著件樽領衫同古仔講「煮個麵你食」啩!

上香切燒豬, Sammi信耶穌,由三位男主角代勞拜神!



阿佘同古仔對上一次合作係 1998年嘅《刑事偵緝檔案 IV》,相隔 16年,好命嘅話,個仔都升大學



鍾意就快D Share啦!
Related Posts Plugin for WordPress, Blogger...