【短片】【連咀13啖不祥？】個零月貨仔 戀情見光死 周子揚認與何傲兒分手
2014-08-11 22:35:00
日前先至俾本報影到喺家俬店連咀13啖嘅何傲兒同富家子周子揚，拍拖個零月，今日卻有消息指何傲兒單方面突然宣佈分手。
何傲兒話覺得自己喺感情方面未ready，故決定分手。但奇在原來佢同記者講分手時，周子揚係全不知情，子揚仲傻更更咁匆匆收線話要了解下。
今日周子揚喺將軍澳接受記者訪問，問到係咪分手？佢語氣平靜承認：「係呀，我哋已經分咗手。」記者謂你哋啱啱先開始拍拖？佢話：「係呀。」何傲兒提出分手？周子揚話：「冇乜所謂，總之大家都有呢個睇法。」出現乜嘢問題？佢話：「冇乜特別原因，我哋傾過感情事唔回應，多謝大家關心。」
仲係朋友？周子揚話：「當然係。」影到啜嘴相女方嗌分手？佢否認：「唔關事，總之原因唔想講。」再見尷尬？佢話：「唔會。」
問係咪搞地下情？周子揚即刻窒一窒：「我唔想再講感情事。」
周子揚今日認與何傲兒分手。
佢又話唔想再講感情事﹗
|
鍾意就快D Share啦！
|
|
|