【范范懷雙胞胎】38歲佗孖B機率為8% 范范預產期 為明年2月底
2014-08-24 13:12:00
陳建州及范瑋琪結婚三年幾，終於升呢做準父母了，恭喜﹗
38歲范瑋琪（范范）與老公「黑人」陳建州結婚三年幾，終於成功造人，范范今早喺微博報喜，話自己懷有雙胞胎，兩公婆仲拎住張超聲波圖片影相，暫名為「大小熊貓」，認真高興。
據范范所屬公司向台灣媒體透露，范范於7月時喺屋企廁所跌倒後，搵醫生檢查時發現懷孕，仲係一口氣懷有孖胎，不過范范身體較瘦弱，所以都係幾大負擔，孕吐嚴重嘅時候，只能瞓喺床上養胎，而范范懷孕第6週時，更曾出過血，所以兩公婆對「大小熊貓」更加呵護。
7月時范范取消演唱會，原來當時佢已有孕，但因為未滿三個月，怕胎兒小器，所以未能公佈，故當時僅以頭部受傷未好為由，取消預訂演出。
另外，由於懷孕關係，本來預計喺今年推出新專輯，錄音進度仍然進行中，但係咪會如期推出，就要睇范范身體狀況。
此外，準媽咪范范懷孕以來，已經肥咗6.6磅，而據宣傳人員透露，醫生曾經對范范表示，以佢呢個年紀，要懷雙胞胎只有8%嘅機率，可謂相當難得。而預產期推測會喺明年2月底。
今晨范范喺微博報喜。（微博圖片）
原來早前范范喺屋企跌傷，去畀醫生檢查時發現懷孕。（微博圖片）
|
鍾意就快D Share啦！
|
|
|