隊友跪地向胞妹求婚 樂仔：希望佢錫阿妹
余文樂前晚在灣仔伊館率領橫洲工業籃球隊贏得比賽，還成功為隊友、前甲一球員陳守健安排一幕求婚記，而求婚對象就是樂仔的胞妹余文琪，最終抱得美人歸。樂仔打籃球賽，家人都甚少總動員出席，但前晚樂仔父母及妹妹均有現身捧場，可見經過悉心安排。在比賽結束後，樂仔對全場說：「今日有事宣佈，我隊友陳守健搵我幫手，要向我妹求婚。」
■當陳守健跪地向余文樂妹妹求婚時，樂仔（右）則拿手機拍下感動一刻。
「我都好Surprise」
陳守健在全場球迷面前下跪，在隊友慫恿下唱出鄭伊健的《一生愛你一個》，妹妹點頭答應，陳守健即為她戴上戒指及送上一吻，場面感人。樂仔說：「我都好surprise，我都係好後至知。我會送上祝福，希望佢愛錫我個妹。」
前晚上演的「水動樂誇世代籃球邀請賽」，余文樂請來前NBA球星、CBA廣東中鋒易建聯助陣橫洲工業，對戰由70-90年代甲一兵組成的跨世代球星隊，結果橫洲工業以101比87勝出，不過樂仔手風欠順，全場僅取得兩分及數個助攻。而代表跨世代球星隊出賽的南華球員劉子健，成為當晚的三分王，易建聯就膺MVP（最有價值球員）。
■陳守健（左二）與未婚妻余文樂妹妹（右二）及其父母合照。
樂仔笑言找易建聯幫手心理壓力太大：「我最驚佢受傷，呢樣真係負擔唔起，背負國家責任。」而樂仔好友彭于晏亦有現身撐場。
此外，郭富城被指追Super Girls成員，傳聞指樂仔是介紹人，對此樂仔說：「我都唔知，我只係識得Heidi（李靜儀），佢係我朋友嘅朋友，娛樂新聞一則，笑吓就算。」至於被傳與吳若希拍拖的劉子健，澄清並無拍拖，坦言吳若希並非他的一杯茶，他說：「我鍾意可愛同細細粒嘅女仔。」
採訪、攝影：文國駿
■余文樂積極熱身，但落場都手風欠順。
■彭于晏（右）及易建聯（中）在場邊睇波好投入。
|
鍾意就快D Share啦！
|
|
|
