2014年8月18日星期一

緋聞女友Fiona力撐佢好健康煙都冇食 Fiona,薛凱琪,

【祖名涉毒】緋聞女友Fiona力撐: 佢好健康煙都冇食

2014-08-18 18:00:00

房祖名同Fiona合作唔少，亦傳咗好耐緋聞。

今日下午內地媒體報道房祖名因涉毒，與柯震東一起被捕，與祖名合作電影而傳緋聞的祖名好友薛凱琪(Fiona)今日接受本報訪問，問她會否擔心，她說:「我唔會太戥佢擔心，自己入行十年，做人準則，不實新聞遇到好多，對待圈內朋友有乜新聞，除非眼見否則唔會信，太唔公平。」似乎Fiona當時仍未知祖名已證實被捕。

問Fiona近期有否聯絡祖名，她說:「忙演唱會，生日有收到訊息，11號生日，10號收到訊息祝福，我認識嘅祖名好健康，煙都冇食，知我失眠寫埋首歌，因自己唱歌驚聲沙，食少少安眠藥瞓覺，佢係好健康嘅人，叫我唔好食咁多藥，飲蜜糖水。」

問Fiona是否認識柯震東?，她說:「冇介紹我識」講到柯震東證實被捕，她說:「排舞睇過新聞，都係懷疑，咁嚴重新聞，如果唔係實實在在，唔會畀任何評論，對任何人唔公平。」會否問候祖名?Fiona表示:「唔需要，如果冇發生，冇需要搞大，假新聞唔需要煩到朋友。」Fiona又強調:「佢唔係我舊愛，確實好朋友，乖仔，私生活乖之餘好孝順，做嘢好勤力，合作兩部戲，捱更抵夜，冇公子病，絕對相信佢。」