大隻仔追陳凱琳被照肺 tvb棒打鴛鴦？
卸任在即嘅港姐冠軍陳凱琳（Grace），由於形象高貴又清純，喺過去一年備受大台力捧，拍劇兼做主持，惟昨日有報道指呢個咁清純嘅港姐，就被大隻仔溫家偉力追喎。
大隻仔同陳凱琳兩個一齊拍大台嘅飲食節目，報道指大隻仔積極「進攻」，狂追Grace，據報道引述知情人士話：「比起第一次做主持嘅Grace，大隻仔嘅主持經驗已經叫豐富，佢去教Grace對鏡頭要注意啲咩！又夾出鏡時著咩色衫，大隻仔中文都唔係幾好，但就去幫Grace翻譯對白，係人都知佢想追Grace」
不過報道又話，呢件事通天之後，大台為保Grace嘅形象，要出手阻止，佢兩個分別被高層召見，又將大隻仔調離節目一個月，最近先返去再做，不過就冇得同Grace同場。
有指佢哋喺大台入面，互當透明，該報道訪問Grace時，一講到大隻仔，答問題都好謹慎，睇嚟都係怕激嬲公司。其實都係，大台咁睇好Grace，又用咁多資源谷佢，工作上咁順利，佢當然暫時係揀事業唔揀愛情啦。
|
鍾意就快D Share啦！
|
|
|
