靚抽王
如何嚴懲洗狗男？
一名疑似內地高球教練（ Jacky Lo）喺臉書度公開佢將狗仔放入洗衣機嘅虐狗惡行，網民鬧爆，驚動警方之餘，高登巴打又再使出起底本領。不過呢個 Jacky佬竟然一啲悔意都冇，喺臉書度講咗句
「睬你都傻」，仲話自己將會返大陸，令正義感澎湃嘅娛文樂我，都不禁要 S橋王上身，幫大家度番條好橋嚴懲呢個獸性人渣。
嚴懲洗狗男 3大 S橋：
賤神 MMA大賽
呢排香港啲賤人好似《進擊的巨人》入面啲巨人空群而出，先有周永痕打老婆，又有洗狗男虐狗，所以最好就係使出一招以賤制賤，舉行一個賤神 MMA大賽等周永痕同洗狗男隻揪，其中一方失去意識先停止。嘻，係唔係好想睇呢？
金正恩維持正義
洗狗男虐待可愛嘅小狗，雖然好多人都想打鑊佢，甚至係掟佢入洗衣機洗，不過計我話最好都係由受害嘅族群，亦即係狗隻出手，咁成件事就合情合理得多。早前北韓金正恩曾以「犬決」之名嚴懲佢嘅手下，今次我哋一於將洗狗男 send去俾阿金生，等阿金生搵啲狗仔親自放佢入洗衣機。
沒女大作戰配對
洗狗男人賤口臭，又扮富二代，又冇愛心，照計都唔會有女人鍾意佢，恐怕佢之所以變成咁，都係冇愛情嘅滋潤啫，唔緊要！大台《沒女大作戰》好幾個沒女都未搵到伴侶，介紹洗狗男俾佢哋識，一來可以化解洗狗男嘅戾氣，二來呢個 plan合乎大台膠爆節目嘅低俗格調。
S橋王
S橋王作為宇宙最強度橋專家，一向以改善社會風氣為己任，為世人出謀獻策，伸張正義！（同時又八卦吓恥笑吓咁嘻嘻。）
|
鍾意就快D Share啦！
|
|
|