阿Yu現身談離婚：已入法律程序
【恒Yu家暴之我見猶憐】現年32歲的趙頌茹（阿Yu）感情坎坷，遭老公周永恒家暴兼婚外情雙重打擊，被迫離家出走治情傷，一直匿埋不見人的她，昨早為愛女信希出關現身天水圍的幼稚園，披頭散髮憔悴殘爆，瘦骨嶙峋的她更驚現鳳爪手、牙籤腳，暴瘦近20磅似骷髏人，我見猶憐！已除婚戒的阿Yu昨首度開腔談離婚：「已經進入法律程序！」
趙頌茹和周永恒（Roy）的4年婚姻決裂，Roy不但背妻偷食小三劉依靜（Ruby），更向阿Yu施以家暴，上周五Roy打老婆罪成判守行為18個月，表面自認人渣求原諒的他，私下卻發訊息催阿Yu離婚；而自家暴後離家出走的阿Yu，一直潛水不見人，連長女信希幼稚園K1開學都缺席，獨自匿埋療情傷。直至案件告一段落，有指阿Yu亦對Roy死心，決定離婚爭回女兒撫養權，並逐漸出關回復正常生活，繼本周一到屯門醫院覆診後，昨為愛女信希再出關現身幼稚園。
昨早本報記者在大女信希就讀的天水圍某幼稚園守候，惟至9時上課時間，都不見阿Yu或Roy二人湊女返學，直至9時30分，才見阿Yu獨個兒現身幼稚園，戴口罩遮殘樣的她一支箭衝入學校。約一小時後，老師出來幫她探路，發現記者仍在外面守候，阿Yu大方由正門步出。本來身形高瘦的阿Yu，經歷婚變和家暴雙重打擊，竟暴瘦到似骷髏人，驚現鳳爪手、牙籤腳，甚至頸筋和手筋都盡現，瘦得恐怖。
■激瘦近20磅的阿Yu似骷髏人，戴口罩仍難掩憔悴樣。
■阿Yu暴瘦至現鳳爪手、牙籤腳，匆匆搭的士離去。
「影得我靚啲」
披頭散髮的阿Yu急步離去，記者發現她除下了婚戒，問她有甚麽決定？阿Yu說：「進入咗法律程序，乜嘢都唔決定得，唔講得。」對於傳Roy想離婚，問她有何決定？阿Yu重複說：「我自己……𠵱家進入咗法律程序，乜嘢都唔回應得。」問交律師處理是否搞離婚？她說：「唔方便講呀。」不過，雖然阿Yu暴瘦憔悴，但心情似已平復，見記者埋身拍片，貪靚的她笑說：「可唔可以唔好咁近，靚啲得唔得呀喂！」
記者問囡囡會跟邊個？阿Yu說：「囡囡喺度返學，嫲嫲幫我睇住。」問是否湊回囡囡？她說：「真係進入咗法律程序，乜都唔講得。」並再次要求拍片的記者：「可唔可以遠啲啫，靚啲啫，靚女啲得唔得呀？」對於傳Roy有不良嗜好，阿Yu拒評只說：「唔……」記者指她瘦了很多，問到身體和心情？她輕鬆說：「我OK，好咗好多，多謝你哋關心。」並提醒倒後行拍照的記者，她笑說：「總之你小心啲，好似打war game咁。」
■阿Yu昨早現身女兒的幼稚園補搞手續，逗留一小時後離去。DV圖片
■已除婚戒的阿Yu昨日首度開腔講離婚：「已經進入咗法律程序。」
兩女為大前提
問會否復出工作？她坦言：「嚟緊會講畀大家聽會點做，畀時間我慢慢搞掂自己啲嘢。」現住朋友家還是媽咪家？她搖頭拒答，心情是否好了？她即點頭說：「唔使擔心。」很掛念兩個囡囡？她說：「有見過，畀少少時間我，但唔好影我兩個女為大前提，我好緊張佢哋。」會否為囡囡原諒Roy？她說：「唔答啦呢個。」之後即搭的士離去。
至於Roy日前在社交網留言：「到了家事法庭，大家自己分曉。」暗示與阿Yu搞離婚，昨記者聯絡他求證，至截稿前沒回覆。至於Roy的叔父周啟生前晚在九龍灣出席音樂會，對Roy涉家暴、婚外情及疑惡習未改傳聞不欲多談：「唔講喇，人哋嘅事，若果自己畀意見，就會畀人話批評，希望大家好似我咁，愛家庭、愛生活。」
採訪：溫敏芝、盧妹
攝影：沈健程
■去年阿Yu面圓圓影全家福，可惜現在卻婚姻破裂。資料圖片
■周永恒日前在社交網暗示離婚：「到了家事法庭，大家自有分曉。」
■Roy叔叔周啟生前晚出騷，不過他拒絕回答有關Roy的問題。
【律師話】最快一年正式離婚
趙頌茹與周永恒搞離婚，執業大律師陸偉雄表示，離婚會由家事法庭處理，程序方面可以好簡單，也能好複雜，他說：「簡單嘅話，只要雙方協議離婚，分居一年就可以；唔同意嘅話，亦可以分居嚟離婚，時間就長啲，要兩年，但亦可以用唔同嘅理由要求離婚，例如行為怪誕、通姦。」陸偉雄指，不同離婚的理由，就會衍生離婚程序複雜性，他說：「舉例說通姦，有人會唔承認，咁就要打官司，會浪費好多時間。」子女撫養權和爭產也是離婚衍生的官司，陸偉雄說：「周生有兩個小朋友，如佢哋係協議分居，有共識子女撫養協議，咁就減省好多時間。」
|
鍾意就快D Share啦！
|
|
|