[忽然1周 998] 劉翔閃婚 軍二代夠主動 劉翔,MW,

周二（ 9日）劉翔同新婚太太葛天分別喺各自微博上載合照，公布喜訊。

媽咪姐

劉翔閃婚　軍二代夠主動

周一（ 8日），忽然爆出「欄王」劉翔閃婚嘅消息，媽咪姐真係嚇咗一跳。經過內地傳媒同網友連日起底，原來「翔嫂」係家境富裕嘅「軍二代」葛天。近年個樣愈嚟愈似荷里活女星安祖蓮娜祖莉（ Angelina Jolie）嘅佢，俾人話整容同虛報年齡，仲話佢做過唔少「大茄」角色。

其他影片：>>欄王劉翔結婚了　演員未婚妻被傳整容？

「欄王」同葛天睇落大纜扯唔埋，但係媽咪姐收到風，佢哋 09年喺一次朋友聚會中認識，之後 keep住有聯絡，過時過節新「翔嫂」仲會主動傳短訊問候未來老爺奶奶㖭。加上佢哋同樣鍾意唱歌同 shopping，嗜好相似，好快就撻着咗。「翔嫂」以前接受訪問講過：「談戀愛就像是玩蹺蹺板，誰用的情多誰的地位就低；誰用的情少，誰的地位就高。最初誰先追誰並不重要，重要的是後面誰比誰更能夠不在乎失去。」睇嚟「欄王」咁突然結婚，真係好驚走寶喎！

因為呢張離開民政局婚姻登記所嘅相，令劉翔成為人夫嘅消息曝光。

劉翔早前嚟香港工作，都盡量會安排休息時間去名店掃貨。

愛掃名牌

葛天好鍾意買名牌，之前 Anteprima出咗 Brillante Kitty Wirebag，佢都有一個。

表演慾強

葛天 8年前參加內地選秀活動，又係揀唱歌。不過佢個樣同依家分別好大。

古巨基恭賀

係人都知劉翔鍾意唱歌，以前有時間就約埋古巨基去唱 K， 04年嚟香港表演嗰陣，佢哋仲合唱。古巨基喺微博有留言恭喜佢㗎！

鍾意就快D Share啦！

下一篇 》