網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年9月10日 星期三

[FACE 381 大專校園] 激減 80磅 真實版沒女變俏補習 Miss 沒女,熱門,補習,MF,




索 Miss型 Sir

激減 80磅 真實版沒女變俏補習 Miss

年紀輕輕就做補習天后當然唔簡單,中學由名校聖保祿中學轉去英基國際學校,仲要跳級 2年,喺城大讀碩士畢業後,再搞生意做老闆, 25歲女有學識又有生意頭腦,羨慕死人!



其他影片:>>沒女•變天后






大台「真人騷」節目《沒女大翻身》播完,話經過一年改造有大改變,實情又係箍吓牙,做吓醫學美容就話成功將班沒女改造,認真得啖笑!

其實沒女要翻身邊使大台厚多士,好似加盟英皇補習社做索補習天后 Miss Chanel Yau(邱卓欣)就會靠自己努力!中學時候 200磅大肥妹經常畀人笑係豬扒,為咗減肥同入到大學, Chanel閉關自修室,全日只食幾粒朱古力當減肥,沒女靠自己考入城大工管系,仲讀埋碩士,更成功減到𠵱家得 120磅變女神。

今年 25歲嘅 Chanel畢業之後喺城大教管理學同做研究,去年搞過生意開密室逃脫同自拍館,得閒先落鋪頭巡吓鋪,女神嫌 profile仲未夠靚,仲想快一步 30歲前完成博士課程!「以前教中學會有同學跟放學,約我出街,試過有同學叫我教佢做數,就摸我隻手,又試過直接伸手入我裙袋拎鎖匙,不過佢哋始終係小朋友,自己返學都會着得保守啲,斯文淡妝着長褲,就算𠵱家教補習社,都唔會太過份,始終都係老師,唔可以太性感!」補習 Miss,今期好多遐想喎!

身高 173cm嘅 Chanel變索后不乏裙下之臣,「減肥後的確多咗人追,甚至連以前話我肥嘅男仔都有追我,的確有唔少人係睇外表嘅!」

曾經係同學眼中係豬扒,係肥妹嘅 Chanel,因暴飲暴食漲爆 200磅,又點會估到𠵱家變咗長腿索補習天后,成個女強人咁!

試過喺 Band 3學校做助教嘅 Chanel(紅圈),如果唔係成班都係南亞裔學生,真係分唔到邊個係 Miss!睇落年紀差唔多,唔怪得有學生對 Chanel展開追求攻勢

又靚女又高學歷,即使教嗰科企會財係選修科,一樣大把同學爭住報名補習,「實際學生人數唔方便講,但我幾滿意有唔少同學支持我!」



鍾意就快D Share啦!