[忽然1周 1001] 鋒菲再翻撻 栢芝掃貨開心晒！ 鋒菲,王菲,栢芝,謝霆鋒,MW,

栢芝呢身 Chanel最新秋冬裝，總值超過 10萬。淨係條鎖頭鏈已經賣$19,100！

媽咪姐

鋒菲再翻撻　栢芝掃貨開心晒！

數近期香港風雲人物，唔使講，梗係比好多大人仲有 guts嘅黃之鋒不過，娛樂圈嗰 3位愛恨交纏嘅癡男怨女「王、芝、鋒」都唔弱，差唔多 day day都有新搞作。嗱，啱啱世紀再翻撻嘅王菲同霆鋒，就戴情侶超各自現身機場，據知遲啲仲會由阿菲帶路，兩個孖住去印度修佛㖭。 Well，成件事即刻神聖晒！

其他影片：>>拆解鬧爆霆鋒因由　向太靠栢芝捧向佐

周二，霆鋒就着價值$16,500嘅意大利 Hogan皮褸， chok住飛天津。不過重點梗係佢同王菲戴住 Ray Ban情侶超

咁栢芝又點呢？有名「新聞女王」嘅佢， post完嘆紅酒相上網，又飛過日本散心，再以一身 Chanel pink lady look橫掃香港機場！淨講衫，都夠大家講足兩日啦。

啱啱啫，仲有內地網民喺微博講，栢芝幫佢個 friend掃咗百幾萬袋。你無睇錯，係用百幾萬買手袋！嗯……各位姊妹成日話 shopping能醫百病，媽咪姐眼見栢芝喺日本買咗兩大箱嘢，再加埋呢百幾萬，難怪佢今次知道鋒菲再翻撻，唔似 02年嗰次咁喺人前失控狂叫，依家仲笑得出㖭！係咯，人要向前看嘅，與其等人錫，不如錫自己多啲

買百萬袋

近期栢芝做咗 Chanel粉絲，早前喺又一城拍嘢都孭住呢個最新粉紅袋，發現鏡頭仲笑晒㖭。

周日，栢芝用兩大個 Grand Hyatt酒店嘅紙盒，裝住佢啲東京戰利品。周三就有內地網民爆栢芝幫佢做 sales個 friend掃咗百幾萬袋，仲集埋郵㖭，勁！

王菲喺台灣拍完廣告，準備飛返北京。同霆鋒拍拖後，造型都 young咗，個 Herschel Supply Co黃色背囊幾 cute！賣$430咋，天后都會用平貨。

霆鋒見記者 cool到爆，查實佢前幾日見到粉絲，忍唔住流露嘴角含春嘅表情。

鍾意就快D Share啦！

下一篇 》