全城熱爆的娛樂八封新聞 & 時事趣聞 & 生活 + 趣聞
陳敏之最先出發，去峇里打點婚禮安排。但係睇佢個樣好似心繫佔中，冇乜表情。
中國人嘅傳統驚 BB小器，所以懷孕頭 3個月唔可以公開。但陳敏之早喺 7月初被踢爆 10月結婚，唔知點解佢都唔肯認，不過喜事又點會冚得住吖！
周一（ 29日）佢同阿媽出發去峇里舉行婚禮，未婚夫雷偉信（ William）唔想俾人發現，就分開出發。佢喺機場睇落冇乜喜悅表情，但就不停打電話同人 keep住聯絡，咁心情緊張都正常嘅。到咗峇里唞咗一晚，班姊妹又陸續到達，陳敏之成個人輕鬆晒。周三（ 1日）嘅凌晨，佢仲放張沙灘相上網，個樣好 happy，出嫁嘅心情果然係起伏大呀！
已經 35歲嘅陳敏之，終於同拍拖 10年嘅圈外男友 William結婚。據講今次使咗過百萬，喺峇里嘅 Conrad酒店教堂行禮。
周三（ 1日）凌晨，陳敏之喺 Instagram上載咗張陽光海灘相，寫咗「 Lovely Sunshine」。唔少人見到，留言恭喜佢結婚。
今年 7月，陳敏之（箭嘴）同男友 William（左一）拍拖去睇張智霖演唱會，但見到媽咪姐影相，佢哋仲係好避忌。
陳敏之結婚咁大件事，身為契姐嘅伍詠薇當然有去觀禮。當年佢未婚夫曝光，都係多得班朋友放相上微博。
