[忽然1周 - 1004] 無懼封殺 耀明阿詩撐學生 阿詩,何韻詩,MW,

做藝人面對政治問題，反應唔同，就好似明哥同阿詩咁，上到台發言，前者淡定，後者緊張。都係嘅，聽聞俾內地封殺冇得返去賺錢，有咁嘅反應都好正常。

媽咪姐

無懼封殺　耀明阿詩撐學生

等咗就快 1個月，終於等到政府做啲嘢，五位高官喺周二（ 21日）同學聯代表對話，但內容有幾廢，大家有眼睇。而當日喺金鐘睇直播嘅黃耀明同何韻詩，聽完司長林鄭仲係叫大家「袋住先」，都忍唔住要上台講幾句。

其他影片：>>繼承梅姐鄧麗君腳步　阿詩明哥撐民主被內地封殺

明哥一攞咪就話：「良知係一樣好重要嘅嘢，所以我哋要去抵擋有形同無形嘅暴力。」佢仲喺 fb讚學聯：「全場嘅最大結果，就係學聯比政府更有理據，呼籲政府對全港追求民主嘅市民有承擔。」而阿詩亦喺 fb話：「面對一眾只懂重複敷衍台詞的官員，你們（學生）用越見堅韌的勇氣、魄力、理智和理據，在這些老舊思想和制度前，漂亮表現出屬於你們新生代的潛力和質素。」佢仲鼓勵大家唔好氣餒，同學生一齊行落去。媽咪姐睇佢哋講到咁，真係唔理內地封殺，有「吉士」呀！

明哥見阿詩唔夠水飲，主動一支水兩份分，倒咗一半俾阿詩。呢啲咪有愛囉！

政府同學聯對話兩小時，政務司司長林鄭月娥同 4位政改官員不停「遊花園」。

明哥、阿詩同一班文化界人士喺「對話」後，見到學聯副秘書長岑敖暉（右二），捉住佢集郵，仲讚「敖暉 BB」叻仔。

禁制令頒布之後，杜汶澤去咗金鐘，話要勸何韻詩走。阿詩喺 fb留言「誠邀阿澤光明正大再落嚟金鐘勸我走」。

之前同杜汶澤反咗面嘅黃秋生，竟然話阿澤去現場勸阿詩返屋企好感動。敵人嘅敵人就係朋友，原來都適用喺秋生身上。

平時好多偉論同鍾意鬧人嘅黃秋生，面對大是大非，睇完政府同學聯對話，只係留咗上面一句地道嘅廣東歇後語。

洪朝豐喺金鐘留守咗一個禮拜，見到記者拒絕訪問，但喺 fb留咗段好長篇嘅感受。

鍾意就快D Share啦！

下一篇 》