2014年10月24日星期五

崔碧珈「硬膠胸」力撼袁嘉敏「西半球」崔碧珈,袁嘉敏,BKD_S,

【Big珈胸戰Candy】崔碧珈「硬膠胸」力撼袁嘉敏「西半球」

2014-10-23 23:19:00

（攝影：陳志嵐）

警鐘模Jessica C.（JC）﹑安志杰﹑袁嘉敏（Candy）﹑伍允龍及吳志雄，今晚出席《屍城》喺奧海城舉行嘅首映，而太陽娛樂新人崔碧珈就化身「Big珈」，中門大開性感撐，搶盡「峰」頭；

不過有份演出嘅Candy亦相當搏命，不讓崔碧珈專美，Candy身穿黑色魚網大露背長裙，佢自爆僅穿Nude bra及肉色底褲。而現場有「打喪屍」儀式，眾星搵槍射喪屍時，Candy手多多踎低摸喪屍，就係呢一下就不真露出「西半球」，反觀平時性感上陣嘅JC，就以背心連身長褲出席，冇乜睇頭。

志雄哥喺台上表示，喺戲中一手抱起JC，佢笑言自己係「老處」，首次拍呢類型嘅戲。而JC於戲中好多性感演出，佢就笑指伍允龍係Hot guy。

崔碧珈受訪時，被問到係咪性感搶鏡？佢話：「都唔會，每個人有不同特色。」會走性感形象？佢話：「係，今日係公司電影，着靚啲﹗」問到如果着得密實，係咪冇人認到？佢話：「都唔會。（做足安全措施？）有黐膠紙，上次出席一個活動，大會提供裙畀我，睇相時見好多膠紙，所以今次用強力膠紙黐好啲。（搣膠紙唔痛？）唔緊要，靚就OK。」認真貪靚。

Candy就超性感打扮，佢話呢條裙收埋咗多年，以前喺電視台好難着出嚟，所以今晚着出嚟。問到係咪因為上次輸畀JC，所以今次要性感？佢話：「呢幾日拍新戲好忙，壓力好大，冇時間搵贊助商，所以揀咗呢條裙。」

另外，問到喺打喪屍其間走光拋出西半球？佢笑言當賀一賀《屍城》，係咪豁出去？佢話：「時光（指走光一事）過咗去，好難play back返，我諗住喪屍死咗，咪摸兩下，點知佢突然彈起，我都彈起，有乜嘢露出，就當賀屍城。」