插圖： Wendy
揞名爆
「大西」大牌又無品勁乞人憎
媽咪姐成日都叫班世姪千祈唔好以貌取人！好似圈中好多表面靚女又斯文嘅，查實人品勁唔掂，韓國嘅「大西」就係好例子嘞。
話說佢早排嚟咗香港為品牌做宣傳，人哋 book晒 5星級酒店同頭等機票俾佢，招呼周到。但「大西」呢，可能以為自己係「國際巨星」啩，一嚟到香港，自動消失 24小時，品牌 call極佢都唔去試當晚出席活動要着嘅衫。直至活動開始前兩個鐘，先施施然現身，叫人拎衫俾佢試喎。查實呢，仲使鬼試咩？個 show都就快開，唔啱身都改唔切㗎喇，小姐！
最令主辦商嬲爆嘅係後來收到風，「大西」失蹤嗰日原來係去咗同另一品牌開會傾合作。嘩！你攞人哋俾錢嘅機票同食宿去同對家傾搵銀大計？會唔會有違商業道德呀！呢個世界係圓嘅，因住玩死自己呀。
邊個係「大西」？
1.韓國組合成員。
2.依家連經理人公司都唔 like佢。
|
鍾意就快D Share啦！
|
|
|