[壹週刊 - 1285] 減贍養費 何嘉莉要仔唔要錢

去年除夕倒數，何嘉莉婚姻已出現問題，她跟好友黃伊汶、 Yumiko開 party，好友另一半都有出席，唯獨阿 King冇現身，何嘉莉只有繑住朋友走。

探熱針

減贍養費　何嘉莉要仔唔要錢

突然宣布與丈夫黃逸璋結束九年夫婦關係的何嘉莉，在離婚聲明上表示，日後會與前夫共同撫養兩歲兒子 Jean。

兩公婆各行各路，但視寶貝仔如命根的何嘉莉，據知與同樣愛錫孫仔的黃逸璋父母，就撫養權問題爭拗多時，何嘉莉更不惜減贍養費，換取母子共同生活的機會。

欠缺溝通

何嘉莉與老公黃逸璋 King，結婚九年一直表現恩愛，但到了十月六日，突然爆出二人早於年初已經達成離婚共識，何嘉莉在聲明中表示，與前夫因性格和生活理念出現分歧，決定分開。

「其實佢哋感情一早出問題，個仔出世幾個月已經不停嗌交，兩個性格都火爆，小小事都會嘈一餐，磨擦因此愈嚟愈深，再加上嘉莉熱愛做時裝設計，兩年幾前同 Moiselle太子爺 Harris，合資開時裝店，開始返朝九晚五，但阿 King返糖水鋪，晚晚天光先收工，老公收工返屋企瞓覺，嘉莉就瞓醒起身返工，見得少，感情實淡，更何況嘉莉想有自己事業，唔想再倚賴老公！」阿 King友人說。

孫仔才兩歲，黃逸璋父母一度反對讓 Jean跟何嘉莉生活。

離婚後，何嘉莉仍會帶兒子，與阿 King偶爾家庭樂，盡量彌補兒子在破碎家庭成長的遺憾。

安排探孫

唔想再拖，兩公婆最後協議離婚，至於兩歲囝囝 Jean，何嘉莉則堅持要取得撫養權。

「可能個小朋友同老豆相處時間少，所以 Jean鍾意黐媽咪，嘉莉好錫個仔，堅持要攞撫養權，但弊在老爺奶奶都好錫粒孫，一樣唔肯放手，阿 King夾喺中間都好難做，嘉莉為咗安撫兩老，主動提出減一半贍養費，點都唔想同個仔分開。」

直至今年五月，何嘉莉正式搬離夫家，租住北角單位展開新生活。

「拗咗半年先達成共識，而家個仔跟嘉莉住，佢會定時俾阿 King帶 Jean返屋企見爺爺嫲嫲。」

因擔任 Moiselle香港區創作總監，何嘉莉與年輕自己七年的太子爺陳柏熹一度傳緋聞，但何嘉莉離婚，與對方無關。

「 Moiselle旗下有個新品牌好快會推出，由嘉莉負責做創作總監，其實佢同 Harris係好朋友，對方一早有另一半，離婚根本唔關 Harris事！」知情人說。

結識 Moiselle太子爺陳柏熹後，何嘉莉人生改變，更由昔日普通形象指導，變身成為今日 Moiselle香港區創作總監。

何嘉莉非常疼錫兒子 Jean，不時將與寶貝仔的合照放上微博。

當年黃逸璋力追何嘉莉時，其開設的發記甜品，連容祖兒亦是常客。

太子爺 VS甜品老闆

前夫　黃逸璋

現年 39歲的黃逸璋（ King），是「發記甜品」的老闆，中五畢業的他，曾跟師傅學做甜品；直至 99年，由父親打本 90萬在深井開「發記甜品」，招牌楊枝金露更賣到街知巷聞。其後 King在事業大展拳腳，衝出深井，在旺角、銅鑼灣等旺地開鋪，月入約 30萬，現時共有 5間分店。

緋聞男友　陳柏熹

只有 27歲的 Moiselle太子爺陳柏熹（ Harris），家境富裕， 09年在倫敦藝術大學修讀時裝管理系，畢業後便回港打理父母的時裝生意，擔任集團創作總監；除在香港擁有 12間店鋪， Moiselle更在上海、北京、台灣、新加坡等地開設達 61間分店，集團資產逾 10億。 Harris與賭王四房長女何超盈、林心兒等一班富二代分屬好友，早年與何嘉莉合資 7位數字開時裝店「 Dour Studio」，可惜開業年多便執笠，何嘉莉之後轉投 Moiselle旗下，擔任新品牌創作總監。

鍾意就快D Share啦！

下一篇 》