45歲伊能靜疑懷第二胎 退出內地節目
45歲嘅伊能靜，同細佢10歲嘅秦昊相愛咗年幾，日前伊能靜就答應咗男方嘅求婚
，仲會喺出年2月就結婚。
而9月時，伊能靜被爆喺台灣醫院做試管嬰兒諮詢，當時佢認話：「的確還想要個孩子，秦先生準備好了，哈利（伊能靜兒子）也希望有個妹妹。」
喺近日，有內地博客話伊能靜決定退出廣東衛視《中國好男兒》評審，原因係有可能係有孕在身，停工專心養胎。
不過伊能靜就否認懷孕，仲話係無稽之談，其經理人亦指出，退出係因為節目錄製時間，同電影《我是女王》宣傳檔期時間撞咗，伊能靜會以電影宣傳為主，《中國好男兒》前幾集錄唔到，但唔排除後面會加入。
至於伊能靜就喺微博否認孕訊：「感謝節目組，從達人秀開始就一直將我當家人。做為電影#我是女王#導演與投資人必須盡全力對影片負責，在時間上無法配合，深感遺憾。也相信新導師超棒！希望大家繼續支持這個正能量的節目～最後外傳我有了?真可愛～我還是最後一個知道的～謝謝大家關心～目前我只有一個還在孕育的寶貝～就是電影女王喔～」
【三個粉絲去首爾】
追星實錄，即上韓劇讀: http://hk.apple.appledaily.com/kstar
|
鍾意就快D Share啦！
|
|
|