被高登瘋狂爆破 吳若希激罕閃卡流出
「寧得罪拉登」下句係咩呢？「莫得罪高登」丫嘛﹗你睇睇喺「佔領運動」入面，高登仔
將一班「藍絲帶」同警察起底起得快到...就知佢哋起底功力有幾專業啦﹗
最近吳若希真係負面新聞一大籮，緋聞男友劉子健又捲入裸聊新聞，而最致命嘅係，佢喺fb曾經埋怨佔領運動，令到有啲婆婆出門唔方便，冇小巴搭，但高登仔就覺得佢唔知頭唔知路，無視問題最根本，就係點解會有班市民走出嚟佔領呢？
呢件事之後，吳若希就開始流出疑似床照，前日又流出細個同男友啜爆咀嘴嘅相，噚日喺高登，又有高登仔搵到佢咸豐年前影嘅私影照，其實係一張好普通嘅三點式泳照，不過吳若希自出道以嚟，都冇乜影過咁少布嘅相，一來佢嘅賣點係長腿，二來佢睇落身材又真係平平無奇，所以呢張泳照真係稱得上「激罕」。
而呢張泳衣照就睇得出，因為酷似AV女優「羽田愛」，而被稱為「羽田若希」嘅佢，真係平平無奇，塊面更方到起角，高登仔更寸爆昔日女神塊面可以「擺兩圍」，仲封佢為「羽田機場」。而當年吳若希嘅洋名更叫「Curry Ng」，唔通佢當年好鐘意食咖喱？其實日前已經有報道爆料話原名「吳嘉妮」嘅吳若希，被人用諧音改花名「咖喱」及「Curry Ng」，但網上搵到嘅私影相簿，顯示佢08年仍然以「Curry」呢個名去影私影，唔似係比人改花名喎!而09年佢已經改名做o依家嘅「Jinny」喇。
其實有唔少o靚模喺出道之前，已經成日幫龍友影私影，搞到佢哋「修葺」前嘅樣子經常喺網上流傳，留晒底，真係只能夠講句：「人類總要犯同樣嘅錯誤。」
【三個粉絲去首爾】
追星實錄，即上韓劇讀: http://hk.apple.appledaily.com/kstar
|
鍾意就快D Share啦！
|
|
|