馮仁昭四圍超：星爺破冰 搵張雨綺做反派 - 馮仁昭
周星馳執導嘅《美人魚》原定呢個月頭開拍，雖然女主角已經喺內地搵到新人做美人魚，但男主角一直搵唔啱人，結果部戲開鏡日期一拖再拖，最近總算搵到孫儷老公鄧超做男主角第二女主角就傾咗張雨綺，係一個反派角色，之前佢因為同星爺解約要打官司，雙方關係好差，但自從發生向太炮轟星爺事件，張雨綺幫拖為星爺講話後，雙方關係得到改善
■星爺同張雨綺之前雖然為合約鬧翻，但聽聞最近兩人又修好，仲會合作拍戲。資料圖片
■小豬最後都有份演《美人魚》，但戲份就唔係第一男主角。資料圖片
■鄧超下月中將會接演星爺執導嘅《美人魚》。
資料圖片
小豬鄧超做男主角
之不過部戲都要下個月中先至開到，因為鄧超喺韓國幫緊浙江衛視真人秀節目《奔跑吧兄弟》拍外景，最快要忙到下個月中，所以星爺準備就緒都冇計。至於第二男主角係羅志祥（小豬），最初星爺都諗過畀佢做男一，但計過條數，男一都係搵番喺內地較有人氣嘅鄧超比較好。
此外，向太前晚又喺微博發文，對星爺態度大變，佢話：「人家說你（星爺）不好時，我疼，疼到不知道該怎麼辦？我說你不好時，我更疼，疼到不能自制，思緒混亂。一次一次，一遍一遍，被攻擊，已經習慣，被你刺痛。被你的粉群毆。」不過到噚日凌晨2點幾，向太又變再發文繼續數臭星爺，要星爺還佢一個公道。
撰文：馮仁昭
|
鍾意就快D Share啦！
|
|
|