【撐留守公民廣場】秋生斥反佔中人士 想繼續搞亂香港
2014-10-13 18:35:00
(facebook圖片)
連日好關心一班集會市民的黃秋生，對於今早警察聲稱清除路面障礙物及戴口罩反佔中人士的行為，本報今日也電話訪問秋生，問他有何看法。秋生表示：「香港好多人阻住好多人，阻礙就推開佢，係唔可行嘅。總有個理由，你呢個運動嘅特色，就係阻礙，問題係用乜嘢方法，譬如話我阻礙你，但冇用暴力，去推開你或使用武力，但你就用暴力清場，咁係唔啱。」
秋生批評反佔中人士做了警察的工作，秋生說：「衝鋒隊啦，以後稅收交俾佢哋，警察，可以收皮，係咪咁嘅意思？」秋生認為，大家應該互相尊重對方的觀點，但暴力對抗是不對的。
秋生續言：「你推人、傷人、扑人，當然唔啱，其實佢哋係咪唔想集會人士退回公民廣場，嗰啲人想佔中人士繼續留低。」
秋生形容，反佔中人士想繼續搞亂香港，秋生又指：「依家商討退回公民廣場，其實呢個係一個唔錯嘅解決方法。呢班反佔中嘅人係想搞亂香港，好明顯，大家都話撤退，有一個方法解決，但佢哋喺呢個時候嚟搞事。」秋生又反問：「反佔中人士係咪想集會人士繼續留守金鐘道？」
秋生說：「有人和平表達訴求，有人暴力表達需要。無論立塲是對是錯，都属抽象的層面，但暴力，是行動的，是明顯地傷害他人身體，是危險的暴行，想象一下，若這批反對的暴徒是現在抗爭的民眾會怎樣？當然，這是他們想不到或不敢想的，或者，有人根本就希望香港變成一個用暴力解決問題的社會，擋我者，殺！」
秋生最新facebook留言道：「係咪以後戴個口罩出街就可以中意打邊個就打邊個呀？乜嘢動物要戴口罩出街？」
|
鍾意就快D Share啦！
|
|
|