子華棟篤爆「政府大人打細路」
雨傘革命遍地開花，被喻為男神的黃子華，前晚佔領紅館，揭開一連11場棟篤笑《唔黐線唔正常》序幕。三小時棟篤騷，只有笑聲、掌聲，沒有冷場。他嘲諷香港已進入「催神年代」，也就是催淚彈之神，質疑為何和平示威人士受暴力對待，子華說：「擺到明就係大人打細路。」
棟篤騷上，播出子華自編自導自演短片，以抽象及幽默方式嘲諷有人在今次雨傘革命中隱瞞真相，又談科技、環保，論男女關係，又幾度帶領全場觀眾「倒抽一口涼氣」，令觀眾暫且忘卻過去個多星期的不快，同時為香港市民出一口氣，着實痛快！
採訪：馬建華
■黃子華前晚佔領紅館，怒撕狼英語言偽術，直指和平示威者受有組織性人士襲擊。 攝影：仇志德
【催神年代】高官搞分化
指香港中了毒的黃子華，早前主演劇集《My盛Lady》一推便遇上網民呼籲罷睇，現在開騷又遇佔中，本來他不打算多講，但又不吐不快：「掟咗催淚彈之後，梁振英就出嚟講『應該呀，警方係用咗適當嘅武力』葉劉淑儀又出嚟講係適當嘅武力『啲人有武器㗎，有把遮㗎喎！』我唔知點解啲高官係咁樣嘅，你唔係與民為善嘅咩？」
子華指高官搞分化，警隊掟催淚彈並非專業，抗議學生也是業餘，業餘對業餘，結果產生誤會，他說：「和氣生財嘛，做到咁高位都唔識講『係一場誤會，一場誤會！』咁咪搞掂。葉劉仲有句話『學生不是省油的燈』，又係武俠小說先出現嘅說話，你哋都係古墓派嘅人嚟㗎？你返番入個古墓度」子華直指有組織襲擊一些和平人士：「梁振英話『我強烈譴責所有用暴力嘅人！』擺到明就係大人打細路，你就話強烈譴責所有暴力嘅人，點解要咁講嘢？」
又形容香港已進入「催神年代」，亦即是催淚彈之神：「佢只係帶住兩把雨遮，啲催淚彈就掟喺佢身邊，so what？有一班唔怕任何嘢嘅人，唔怕催淚彈，唔怕黑社會，我唔知大家有冇去過呢啲抗議嘅地方，我去過。你去咗你唔想返屋企……我哋香港人嘅品質，係真係幾咁勇敢、幾咁和平、幾咁善良。」
他指不丹國王知道國民最快樂便是有民主，所以給予國民民主，又引用不丹國王可以有四個老婆：「係因為人民太愛個老婆，所以想佢娶多啲老婆，多啲種子留低。我就即刻明白咗一樣嘢，你敬我一尺，我敬你一丈。你哋有民主，我食四條魚，所以今時今日喺香港搞民主，我哋係時候認真考慮我哋個特首夠唔夠老婆呢？」
|
鍾意就快D Share啦！
|
|
|