網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年10月12日 星期日

Kay索爆殭屍 勤練超能力 Kay,謝安琪,

謝安琪自爆明年將拍無綫新劇,屆時又可以吸納視迷fans。


Kay索爆殭屍 勤練超能力

眼見老公張繼聰拍劇做出成績形象入屋,人妻謝安琪亦希望一過戲癮,前晚活動上她自爆明年將為無綫「處女」拍劇集,到時化身索爆殭屍,與老公齊齊在公仔箱爭取觀眾佔有率,除歌迷外再爭視迷群眾。

歌手謝安琪(Kay)前晚現身電視城錄影無綫節目《全城響應助更生》,期間她着住超高高跟鞋獻唱新歌,一步一驚心!Kay於受訪時自爆明年將首次拍攝無綫劇集,更將會化身索爆殭屍,她說:「夾咗半年時間先成事。(處女拍劇?)係,我好鍾意扮殭屍,又靚又有超能力。我成日喺屋企練用念力熄燈,最後張繼聰就會去熄燈。」

讚老公有小聰明

首次拍劇的Kay可會感到緊張?她即說對吊威吔有陰影:「緊張,因為吊威吔會好痛。我試過拍廣告時吊威吔勒得太緊,搞到我嘔,好驚!」

Kay大讚老公張繼聰做電視見成績,明年她拍劇,囝囝張瞻亦會捧場。(資料圖片)
  • Kay大讚老公張繼聰做電視見成績,明年她拍劇,囝囝張瞻亦會捧場。(資料圖片)
林欣彤出碟,許廷鏗揚言已買碟支持。
  • 林欣彤出碟,許廷鏗揚言已買碟支持。
朱千雪(右)、黃心穎前晚齊齊錄影。
  • 朱千雪(右)、黃心穎前晚齊齊錄影。

11月Kay會進行功夫練習,先行打好底子,明年2月就會開拍劇集。問她會否向密密拍劇的老公張繼聰偷師?Kay即「賣口乖」大讚老公:「佢話考慮吓(教我),我好欣賞佢演戲時嘅小聰明,好吸引我去睇!(你要扮殭屍,怕唔怕嚇親囝囝張瞻?)我大肚時狂睇殭屍片,所以我個仔都好鍾意睇。如果我演殭屍,佢會好崇拜我!佢好好笑,成日希望有變身嘅能力。」

林欣彤唔使升胸

另外,同場還有歌手林欣彤(Mag)及許廷鏗、朱千雪及黃心穎等藝人,Mag對於在新碟谷胸晒腿的性感造型大表滿意:「我畀人話我呃人,影到對腳咁長。(效果好性感?)冇特登谷胸,只想變高。(升胸?)唔使,夠用OK喇!」許廷鏗則說已買碟支持Mag。

文:影視組



鍾意就快D Share啦!