小強Tommy派魚蛋抽水
「樂壇小強」阮民安（Tommy）的金毛頭，跟旺角MK可融為一體，近日雨傘革命遍地開花到旺角鬧巿，Tommy昨日凌晨1時多都跟兩名同性友人，推着魚蛋車往踩場，鐵皮餐車貼上「689蒸粉腸（腸粉）」標語，並向現場留守人士大派燒賣、魚蛋和腸粉，網友卻揶揄他抽水。
記者昨致Tommy，他說：「上月28日放催淚彈嗰晚，我都喺中環，親身感覺好危險，唔使埋到去，好遠都好辛苦，我聞到陣味眼淚都係咁標，佩服班學生行到咁近。初初諗住會打散啲人，但大家都咁堅持。我唔可以代表大家講啲乜，好想提供物資支持吓。」
Tommy與在太子經營小食店的朋友商量，昨日凌晨夾手夾腳推着鐵皮餐車殺入MK，可是Tommy全程企一邊做佈景板沒幫手，他說：「我嚟幫大家打氣，好過淨係食麵包餅乾，食啲熱嘢。」Tommy還會突擊再送魚蛋嗎？他說：「要睇情況，唔排除會再嚟。」
另外，對於質疑有人「利用」年輕人佔中，秋生比喻范太等建制派是農民，對不知情的事就認為有陰謀：「但係呢啲嘢，你哋識條毛咩！佢哋就真係有人背後指使喇，佢哋每個月都有人指使，有糧出。」
採訪：陳杰
攝影：黎志偉
■Tommy（左）昨日凌晨與兩名友人推着鐵皮車踩入旺角送魚蛋。
■Tommy全程齋講沒幫手，難怪被網友揶揄抽水。
■小食鐵皮車更貼了寸梁振英的標語。
|
鍾意就快D Share啦！
|
|
|