[忽然1周 - 1006] 閃分無難受 珍妮花 Chris各自 happy 珍妮花,MW,

珍妮花執「遺物」

萬聖節前夕（ 10月 30日），珍妮花獨自揸車去男方位於 Malibu嘅寓所執拾「遺物」，逗留兩個鐘頭之後離開。

出外埠

閃分無難受　珍妮花 Chris各自 happy

珍妮花羅倫絲早前捲入「慾照」風波，好彩得 new boyfriend、 Coldplay主音 Chris Martin背後支持，先企得番起身。

月尾，竟然爆出分手消息。據講兩人各有各忙，聚少離多；加上男方前妻、影后桂莉芙白德露經常不避嫌同 Chris gathering（唔係殘廁嗰隻！），令珍妮花暗生不滿，毅然結束 4個月感情。

放心喎，失戀唔一定痛苦嘅。喺分手後一日（ 10月 28日），珍妮花笑晒口出街，兩日後（ 10月 30日）仲揸車去前男友屋企執拾「遺物」。而同日下午， Chris亦心情靚靚去咗朋友屋企慶祝萬聖節。好來好去，各自 happy，咁咪好囉！

9月尾甜蜜搭飛機

有指「慾照風波」令珍妮花同 Chris感情生變，但兩人喺 9月 23日，被目擊雙雙搭私人飛機，打破分手傳聞。

10月尾分手笑騎騎

爆出分手消息後翌日（ 10月 28日），珍妮花已經風騷出巡，笑口噬噬，心情不知幾好。

Chris萬聖節有女陪

同一日， Chris出發去女明星姬蒂赫遜嘅萬聖節派對，其間更被群女圍實，開心得佢！

桂莉芙白德露今年 3月宣布同 Chris離婚，但分手後仍不時同前夫來往，有傳因為咁，令珍妮花知難而退。

鍾意就快D Share啦！

下一篇 》