[忽然1周 - 1006] 放風可合作 Liddy:同李心潔係緣份 Liddy,李心潔,心潔,李悅彤,MW,

喺訪問入面， Liddy講起彭順有啲眼濕濕，但講到前情敵李心潔，佢就話大家係緣份，「既然今生人生咁短暫都有緣份、都可以所謂碰頭，咁做乜唔珍惜？我唔知第時會唔會見番你。」嗯，媽咪姐估李心潔聽到，只會話大吉利是！

媽咪姐

放風可合作　 Liddy:同李心潔係緣份

好多人一生都會錯愛一次，不過 Liddy李悅彤除咗做第三者，介入彭順同李心潔婚姻外，亦面對佢爸爸吞槍自殺嘅悲劇，呢次錯愛真係影響咗佢好多！

出事後 Liddy收埋自己喺大陸一段時間，但後生女點都要出番嚟做嘢嘅，所以「復出」頭炮就去有線拍咗個叫《 Liddy李悅彤一生中錯愛》嘅特輯（ 11月 3日開播，共 5集）。

嘩，好應景！ Liddy今次真係盡訴心中情：「當第一件事（指彭順『偷食』事件曝光）出現時，佢（彭順）頭也不回咁走！到發生第二件事（指爸爸吞槍自殺），佢一個慰問都冇。」不過轉個頭 Liddy又話自己由頭到尾都無憎彭順，「某啲人某啲事出現係會令到人成長。」咁將來嘅合作對象如果係李心潔又點呢？「無問題，無問題，成件事大家可以算話係一個緣份。」 Well，後生女果然睇得開。咁搵食又確係好重要嘅！只不過，正印李心潔又會唔會肯制呢？你話嘞。

節目第一集， Liddy就話以後見到已婚嘅男人一定會兜路走喎，仲話自己好後悔識咗彭順！《蘋果日報》圖片

周四（ 6日）係 Liddy正日生日，節目主持預早送咗個生日蛋糕俾佢， Liddy即時感動喊咗出嚟。喺節目入面，佢流咗好多眼淚。

Liddy出事後，喺投資公司做嘢、拍咗 3年拖嘅前男友 Simon主動關心，兩人愛火重燃。珍惜呀！

Liddy（中）同 Coffee（左）真係好姊妹，大家都經歷過情傷。後者依家教瑜伽搵真銀，之前仲泊到「上海仔」呢個大碼頭，但做馬主又得而復失。

李心潔靜心拍劇

偷食事件發生咗近半年，身為正印嘅李心潔， EQ真係好鬼高，唔單止高調同彭順返香港，仲好快收拾心情開工。呢幾個月佢忙緊拍港視嘅新劇《選戰》，而劇組亦好識做，謝絕探班，冇媒體嘅影響下，身為女主角嘅李心潔自然拍得安心啦。

早幾日李心潔終於拍完港視劇，啱啱佢就去咗台灣出席茶具設計活動，同場仲有恩師張艾嘉，心情自然 good

同彭順和好之後，李心潔就收拾心情留港拍港視劇《選戰》，相反彭順就由年中一直避走北京，有報道指佢籌拍新片《宅女偵探》喎！

鍾意就快D Share啦！

下一篇 》