[忽然1周 - 1006] 機場直擊 余詠珊有大台高層當眾揑骨 MW,

喺人來人往嘅馬來西亞機場大堂，權傾大台嘅余詠珊，呻一聲頸痛， TVBI國際業務總監 Sherman Lee即刻做嘢！溫柔咁捉實珊姐手臂，再一手按住珊姐後頸，「呀！」唔好誤會，呢聲係珊姐嘅。

媽咪姐

機場直擊　余詠珊有大台高層當眾揑骨

自從余詠珊入主大台後，真係是非不斷！早排大台記者採訪時被反佔中人士圍毆，大台 3百幾個員工即刻聯署譴責暴力，要求管理層保障前線員工安全。點知余小姐話咁做係「反公司」，要求簽署員工刪除簽名，否則今年無花紅（相當於一至兩個月人工），仲會炒魷！有二五同媽咪姐講：「依家邊個得罪珊姐，姍姐就會連根拔起！」

其他影片：>>做小三介入翠蕭戀　巴打鬧吳若希係大陸雞

咁呢，媽咪姐唔係余詠珊心裏面嗰條蟲，真係唔知佢點諗囉。噢，只可以講，珊姐唔係成日都好似「傳聞中」咁惡㗎！好似早前佢同任職 TVBI總監嘅 Sherman Lee齊齊出埠公幹，雖然男方都係高層，不過好識照顧更高層嘅余詠珊。話說珊姐喺機場等人嗰陣，掃住自己條頸，皺住眉呻咗兩句頸痛。醒目嘅 Sherman Lee即時招手叫珊姐稍移玉步，跟住一手捉住佢手臂，一手就伸入……珊姐髮尾！幫佢揑頸鬆骨。 Woo，唔使問媽咪姐嘞，大家睇相就知珊姐 enjoy唔 enjoy！嗯，「春回大地」大概都係咁上下咋。 Sherman Lee咁識做，梗唔會革職唔知年尾花紅會唔會大份啲呢？

按吓按吓，珊姐似乎接受咗個力度？定係 Sherman Lee真係太好手勢？珊姐個樣真係由心咁笑出嚟呀。 So sweet！

好嘞，按咗成分幾鐘，終於按完。 Wow，你睇鬆晒嘅珊姐，向 Sherman Lee回眸一笑，大家有無幫過高層揑骨呀？媽咪姐就自問高攀唔起囉。

「懲罪論」曝光後，珊姐回應話係叫員工對公司有不滿可以提意見，而唔係「直接向社會展示對僱主的指指點點。」但佢唔認提出「懲罪」措施，話自己無呢個能力喎。咁謙呀！製作部非戲劇製作總監。

明明 Sherman Lee快手快腳，可以上機先，不過佢都喺機艙口等埋余詠珊。嗯，同事嘛，應該照顧嘅。

大台員工聯署譴責暴力名單入面只有兩位藝人，一個係蔡康年，另一個係𡃁妹李綺雯。據知要養妻活兒嘅蔡康年，喺壓力下已要求刪名。但𡃁妹堅持留名，話自己只想支持同事，有 guts呀！

《蘋果日報》圖片

大台是非愈爆愈多，久未露面嘅利嘉兒，周二（ 4日）自爆曾經有大台男高層迫佢去「飯局」，但佢拒絕，跟手被雪。

《蘋果日報》圖片

順帶一提，余詠珊老公何哲圖（大台旗下星夢公司嘅 CEO呀！）同旗下啲青春女歌手嘅關係都一樣咁好㗎！咁「婦唱夫隨」，邊度搵呢？

老公唔寂寞

做老婆嘅余詠珊，一手拉老公何哲圖入大台旗下唱片公司做 CEO，而何生亦好盡責照顧旗下嘅青春女歌手，好似吳若希咁。出街食飯，常識

《蘋果日報》圖片

行多幾步，何生驚商場地板滑，梗要出手扶實靚女風度嚟嘅。唔知佢曉唔曉揑骨㖭呢？

《蘋果日報》圖片

鍾意就快D Share啦！

下一篇 》