【邊個係守財奴？】被曾志偉數孤寒 譚詠麟反擊：你有冇見過佢埋過單？
2014-11-24 22:55:00
譚詠麟今年入行40周年，佢同曾志偉等人今日出席一個相關活動，訪問佢兩個，點知佢哋咁講對方孤寒同身家問題。
首先問到曾志偉，佢就話:「咁開心40年，搵咁多錢，紅咁多年，做咁多善事。」問佢可以搞啲活動玩下，佢話:「我都想玩下，佢就驚使錢。」你請咪得囉?志偉話:「咁又唔抵。」留咁多錢做咩先?佢話:「留返比個仔，記得訪問咁同佢(校長)講。」又著記者要咁樣問校長:「咁多錢又帶唔走，請朋友去旅行好過啦。」
之後志偉係咁提住校長「搵咁多錢」，記者笑言係咪妒忌佢?志偉話:「梗係啦，佢自己食晒，真係差，佢就冇咩唔開心，大又搵細又搵，自己又開(個唱)，溫拿又開，左麟右李又開。」o依家係咪數佢?志偉就話:「香港冇左佢唔得呀!尤其是後輩呀!佢最叻識講人唔識講自己，最叻話後輩。」咁最欣賞佢咩?志偉話:「守住啲錢守得好囉!」即係話佢「守財奴」?佢就話:「唔好咁講!守得好啫!」
之後訪問校長，佢就回應:「守財得過佢(志偉)?你有冇見過佢埋過單o架?」問校長啲錢留返比邊個?佢就支支吾吾:「Hey，好多用途O架，多謝關心，哈哈哈。」留俾個仔?佢都係嗰句「多謝關心」講到志偉埋怨佢唔請朋友去旅行，校長話:「佢已經係痴飲痴食大家庭主席，佢喺啲朋友側邊已經識到超級富豪啦。」 但你啲身家數都數唔到?校長就話:「唔好咁客氣啦，開呢啲話題啦，hey...錢會生錢架嘛，好似我哋投資一間左麟右李(餐廳)，O依家開到第7,8間，唔知點計，O依家上海諗住開多3間。」
身家多到養到孫?校長又係嗰句「唔好咁講」，又話年尾會私人擺40圍慶祝入行40周年。
|
鍾意就快D Share啦！
|
|
|