[壹週刊 - 1291] 娶老婆又撻 陳冠希偷食俾女飛 陳冠希,M1,

探熱針

娶老婆又撻　陳冠希偷食俾女飛

同中韓混血兒洪文安（ Ann Hong）拍拖兩年多，陳冠希戒蒲戒玩修心養性，仲開晒聲要娶對方做老婆。 Edison諗住實食冇黐牙，點知半個月前被女友狠飛， Ann不單取消關注 Edison的微博，甚至將兩人昔日的恩愛合照全部剷清，堅拒重回爛滾 Edison身邊。

少爺脾氣勁

十月七日， Edison三十四歲生日，壽星仔帶同女友 Ann及家人到日本慶生，還在網上大晒與女友的親密照，其時，一度盛傳二人已於日本完婚。

最近， Edison返港處理時裝業務，卻不見女友同行。

「之前去日本慶祝生日仲好開心，點知去完日本返嚟冇耐， Ann話同 Edison已經散咗。拍拖咁耐，佢哋一直都好 sweet，就算鬧交都好快冇事， Edison一向有少爺仔脾氣，但 Ann唔會乜都就晒佢，好多時 Edison發完癲，就會認低威。失驚無神話散就散，我哋班朋友都好意外。」陳冠希身邊人說。

決定跟 Edison斬纜， Ann即刻在微博取消關注舊愛，懶理他的新動向。

分手後， Ann曾在微博寫出文字表露心情，但上載幾分鐘後又即刻刪除，似乎不想外界知道情變之事。

剛過去的十月七日是 Edison三十四歲生日，除了女友 Ann外，陳家上下及 Edison老友均在日本為他慶祝生日，當時 Edison與 Ann還很恩愛。

陳家上下對 Ann寵愛有加，早已視她為自己人，很得陳家歡心。

十一月廿九日， Edison於尖沙咀的店鋪舉行大減價促銷，當晚 Edison與老友 Kevin Poon親自到場打點。

曖昧對話

分手主要死因，是 Edison滾性不改。

「 Ann已經接受咗 Edison啲少爺性格，習慣晒佢啲脾氣，導致 Ann決定分手原因，係 Edison生日收到好多 birthday message， Ann無意中發現男友同其他女仔嘅對話好曖昧，原來佢一直瞞住自己同其他女仔見面，仲唔係普通朋友關係， Ann覺得自己好蠢，乜都信晒個男人，即刻就同 Edison講分手。」

分手要狠， Ann取消關注 Edison，就連與前度的親密照，也一併刪除，不留任何痕跡。

「 Edison試過補鑊，喪 call再加短訊全部冇反應，試過搵家姐陳見飛幫手箍煲，結果都係一樣。」知情者說。

Edison與 Ann拍拖時，兩人經常孖住出入，上月甩拖後， Edison自己去澳門睇拳賽。

Edison在微博轉發 Ann的微博，早已被 Ann刪除得乾乾淨淨。

工作麻醉

當年 Edison同 Vincy楊永晴拍拖，更令對方慘成淫照風波受害者，但依然不離不棄， Edison雖然高調承諾會娶 Vincy，但最終還是分手收場。今次和 Ann又再次撻 Q，但 Edison死撐扮冇事。

「 Edison返香港搞 Clot減價嘅安排，日日捉住 Kevin Poon開會，想證明俾 Ann睇佢好專心做嘢，冇四圍溝女。呢段時間仲有幾個日本同韓國嘅設計師嚟咗， Edison要招呼佢哋周圍搵嘢食，所以要撐住扮冇事！」知情者說。

拍拖兩年多， Edison與 Ann十足連體嬰一樣，每次在港出現也是形影不離。

與楊永晴（ Vincy）相戀五年，經歷過不少風雨， Edison雖然多次公開表示 Vincy是其結婚對象，可惜到最後再因死性不改而分手收場。

早已視 Ann為結婚對象的 Edison，在拍拖期間不斷大晒二人甜蜜熱戀照到社交網站，溫馨之情羨煞旁人。

冇朋友做

Edison女多，但十居其九反面收場，甚至連朋友都冇得做。

楊永晴

與楊永晴（ Vincy） 06年開始拍拖，發生淫照事件後，女方陪 Edison避到美國，捱過三年最低潮期，有難同當。直至 11年 Edison搭上𡃁模 Cammi，加上黃榕自爆他約去酒店敍舊， Vincy忍無可忍，主動提出分手。

黃榕

Edison被踢爆透過 MSN約前女友黃榕到酒店敍舊後，即時與黃榕劃清界線，甚至稱沒有對方電話，黃榕不忿被指炒作宣傳，決定公開與 Edison的露骨留言，力斥他講大話。

張栢芝

不雅照片流出一年後，受害人之一的張栢芝打破沉默接受電視台訪問，開腔斥責 Edison講一套做一套，貓哭老鼠假慈悲，就連道歉都無一句，狠批他對女性欠承擔與尊重。

鍾意就快D Share啦！

下一篇 》