王菲到港當日（ 5/12），栢芝亦一身貴婦打扮出巡購物，豪使贈興。
探熱針
霆鋒王菲痴纏 栢芝掟 3000萬買樓搬
王菲霆鋒九月世紀復合後，二人毫不避忌日夜痴纏，近日王菲來港，霆鋒陪到實，親自接女友到寶雲道屋企短聚，又陪對方探經理人陳家瑛。
前夫搵到第二春，在港的張栢芝，就搵經理人做伴，出巡掟錢發洩。上週五（十二月五日），攞住鱷魚皮 Hermes，手戴三百萬巨鑽的栢芝到時代廣場一間錶行買聖誕禮物送員工，被問到鋒菲復合，她口口聲聲：「衷心的祝福！」覆水難收！栢芝已決定豪掟三千萬港幣在新加坡買樓，準備撤出前夫買給三母子的舊居。
跟得男友
為出席好友劉嘉玲週日舉行的生日宴，上週五（十二月五日）王菲由北京來港，出巡中環；明知大班傳媒跟實，霆鋒照樣現身，並安排七人車接女友返回自己寶雲道寓所。短聚四小時後， sweet爆阿菲再由霆鋒司機送回好友趙薇深井家中。
第二日，霆鋒繼續做跟得男友，陪王菲到經理人陳家瑛位於淺水灣的過億獨立屋，復合短短兩個月，已經閉門一家親。
高調與王菲恩愛出巡，霆鋒似乎已放低對前妻的顧慮，同時間，原來張栢芝亦身在香港。上週五，她與經理人 Emily同到銅鑼灣一間錶行揀錶，為給公司員工買聖誕禮物，短短四十分鐘，栢芝已經拍板，事後 Emily更在網上晒老細送她的三萬多元 Cartier手錶。
被問到有否買禮物給馬來西亞男友，栢芝笑晒扮聽唔到，但問她會否祝福前夫與王菲，栢芝突然有反應：「會！衷心的祝福！」
留港三日，王菲本週一早上飛返北京，霆鋒比王菲遲 15分鐘到達機場，即趕住入閘會合女友，一齊上機。
準備搬竇
自從霆鋒翻撻王菲，栢芝多次被拍到使錢尋開心！今年十月，有內地 sales踢爆她豪花一百萬買手袋，近日栢芝更再掟三千萬，在新加坡買樓，準備與兩子搬竇。
「栢芝喺內地做一個活動，一百五十萬起跳，佢幫江蘇衞視拍《明星到我家》，酬勞過千萬人仔，搵得嚟、使得去，最近佢响新加坡買咗層三千萬嘅樓，栢芝話打算遲吓同兩個仔搬去新屋，唔想再住喺霆鋒買俾佢哋層 apartment。」知情者說。
前夫重投王菲身邊，栢芝買樓搬竇，全面撤離。
三角錯
近排張栢芝嘅負面新聞真係層出不窮，繼被內地網站發放假消息，話佢响文華酒店 24樓跳樓身亡後，又有內地網站指，北京金牌經理人宮廷海同栢芝經理人、香港新亞洲娛樂公司董事長余毓興簽咗合同，栢芝會出任東方衞視節目《女神的新衣》嘉賓，點知收咗 200萬人仔訂金後，栢芝冇出現，宮廷海話要告柏芝同余毓興欺詐。
直到本週二（十二月九日），栢芝經理人 Emily透過律師發出聲明，指報導內容造假，亦從來無收過《女神的新衣》酬金。
無啦啦惹麻煩，栢芝班內地 fans為撐偶像，居然遷怒於王菲，睇怕「鋒菲芝」嘅是非新聞，只會沒完沒了。
|
鍾意就快D Share啦！
|
|
|
