全城熱爆的娛樂八封新聞 & 時事趣聞 & 生活 + 趣聞
放低藥方俾店員執藥，出去行個圈先。
早晚凍，加埋流感高峰期，帶少件衫出街都會好易中招。有病，梗係要睇醫生。
老豆阿哥一家都係西醫嘅曾華倩，唔舒服，竟然睇中醫。上星期三（十二月三日），下晝四點，《壹》仔喺九龍城見到又帽又口罩，包冚嘅曾華倩，走咗入一年到晚都排長龍嘅新城門藥材鋪，坐低等把脈。 當日條人龍唔算長得好犀利，坐咗差不多廿分鐘，就輪到曾華倩，睇完執藥，選擇返屋企自己煲嘅佢，執咗大袋藥走。話時話，哥哥曾華德係胸肺科名醫，但曾華倩寧願飲苦茶，唱反調！都係嘅，食中藥係好得慢，但啲感冒菌唔會長期積喺身體，除笨有精。
哥哥曾華德係胸肺科教授，但曾華倩寧願飲苦茶。
長期有人龍嘅新城門，等睇醫生等執藥，乜都要等。
搞掂！前後足足一粒鐘，曾華倩攞住嗰袋藥，隨時夠飲一個星期。
行去睇中醫，沿途曾華倩覺得凍，郁手索緊連帽 sweater。
