豪語錄
不堪回首 陸詩韻
吓？陸詩韻又話回歸娛樂圈，其實久不久就爆她出席富豪飯局、又話跟「佬」出埠，甚至讓傳媒登堂入室「分享」她臨海的二千呎匡湖居，可曾淡出過？
「○九年我就淡出幫爸爸搞製衣廠，自己又做貿易生意，但大家早已 label咗我，將我放在釣金龜的位置。我最多一年出席一次公開活動，但大家總認為我無離開過。」
她努力解釋，力陳自己家境小康（全家住將軍澳居屋），不用搵老細云云，但事實是她曾被「大馬商人」騙財騙色，一心以為可疊埋心水上岸，點知遇上空心老倌，跟他合股的公司，年初更被銀行追討七十萬，陸詩韻要孭數上身，如今人財兩失弄到一團糟，當然要出番嚟撈吧！
「我夠食夠住，屋企又不是好等錢開飯，重投娛樂圈是因為這行多姿多采，可以接觸不同的人，我不是一個坐辦公室的人。」明白，畫公仔不用畫出腸，就由她這樣自圓其說。
其實陸詩韻對被騙的經歷不願講太多，但可問她的話題畢竟只有錢銀、男人，她的演藝人生最多是人肉伴遊、釣金龜，正如她說︰「我都三十三歲，我又無做錯，又冇乜唔見得光，你可以寫我什麼？」係喎，我仲可問咩？
騙財騙色
畢竟不是光彩經歷，但更多是無奈，說起對上一段感情，陸詩韻總有點忌諱，欲言又止，「無話呃唔呃，係我蠢啫。去年年初至年中是最難捱，無論感情上或公司都出現問題，我一個人處理不到一連串的問題，變得好易發脾氣，搞到要睇心理醫生。」
話說當時有雜誌踢爆，她口中的馬來西亞商人未婚夫吳銘偉，原來欠債纍纍，○八年已被債主告到破產，報導出街她才如夢初醒，而當時她以個人名義為公司作貸款擔保人，借來的錢肯定凍過水，「都無得計較，當初係我自願咁做，白紙黑字寫到明，每日我就諗，到底要賺幾多錢美金先可以 cover條數，又要交租又要出糧俾十幾廿個員工，每月的 overhead要五、六十萬，我壓力幾大可想而知。」
她不勝欷歔，只怪自己任性又一意孤行，當父母的忠言是耳邊風，「屋企人問呢樣嗰樣，又問個男仔係點㗎，安唔安全㗎，我唔想聽負面的意見，所以問多兩句我就變得無耐性，我一向不喜歡交代。」
好歹陸詩韻都是樣貌娟好，假如對方用美男計還情有可原，只是吳銘偉當真其貌不揚……「好多人都問我點解會揀佢，但當你喜歡一個人的時候，就係不明所以，所以都係無得講。」
雖然她笑住回答，但明顯是苦笑加一連串的無奈，「可能我無眼光，帶眼識人邊有得學吖，要你遇到就遇到，其實無得精，整定我係咁，我都願意接受，上天想我明白，我亦相信將來會更好。」
我係女友
其實陸詩韻的情路向來不太順利，○五年她廿四歲當選港姐亞軍，入行未幾就被爆出與富商曾文能秘密坐頭等機位到東京，充當伴遊，從此便聲名狼藉，形象插水。
「當時用的字眼都好傷，點解拍拖會變成咁肉酸？當時我剛入娛圈不識處理，其實拍拖咪拍拖囉，好簡單之嘛，但我就係好驚，怕拍拖會被公司鬧繼而雪藏。可能男友背景特別，我又係港姐，湊埋就是一個古仔。」
還記得當時她一直以普通朋友稱呼對方，對有關「男友」的問題都顯得避忌，今時今日她就改口為男友，而呢位女友當真唔話得，當時受如此委屈，從無想過要男友出來替自己澄清，「佢都無安慰我，嗰時都無想到呢點，只係不斷想如何平息事件，甚至有段時間佢都無搵我，因為真係驚咗，成日有人喺佢屋企門口等，無謂啦。反而我覺得唔好意思，怕影響對方屋企嘛。」
明明是逆來順受，忍氣吞聲，點睇都有嫁入豪門的基本條件，但陸詩韻卻即時唱反調，「我係要男女公平的人，唔會好遷就對方，如果話我有錯，我會問到底我錯乜先，這種不可愛的性格，好難入大家族。」她笑笑口說。
大家族未必是她的最終目標，但無獨有偶，幾次拖友都是有錢佬，其實陸詩韻都幾目標清晰。「嗱，我要解釋，男友唔係我搵，係大家情投意合才可走埋一齊，唔係我喜歡對方，對方就肯同我一齊。我係單身，遇到屋企有家底的男士，我梗會考慮，但點解我來自娛樂圈，就被誤會被人寫？」
我好實際
畢竟不是光彩經歷，但更多是無奈，說起對上一段感情，陸詩韻總有點忌諱，欲言又止，「無話呃唔呃，係我蠢啫。去年年初至年中是最難捱，無論感情上或公司都出現問題，我一個人處理不到一連串的問題，變得好易發脾氣，搞到要睇心理醫生。」
話說當時有雜誌踢爆，她口中的馬來西亞商人未婚夫吳銘偉，原來欠債纍纍，○八年已被債主告到破產，報導出街她才如夢初醒，而當時她以個人名義為公司作貸款擔保人，借來的錢肯定凍過水，「都無得計較，當初係我自願咁做，白紙黑字寫到明，每日我就諗，到底要賺幾多錢美金先可以 cover條數，又要交租又要出糧俾十幾廿個員工，每月的 overhead要五、六十萬，我壓力幾大可想而知。」
她不勝欷歔，只怪自己任性又一意孤行，當父母的忠言是耳邊風，「屋企人問呢樣嗰樣，又問個男仔係點㗎，安唔安全㗎，我唔想聽負面的意見，所以問多兩句我就變得無耐性，我一向不喜歡交代。」
好歹陸詩韻都是樣貌娟好，假如對方用美男計還情有可原，只是吳銘偉當真其貌不揚……「好多人都問我點解會揀佢，但當你喜歡一個人的時候，就係不明所以，所以都係無得講。」
雖然她笑住回答，但明顯是苦笑加一連串的無奈，「可能我無眼光，帶眼識人邊有得學吖，要你遇到就遇到，其實無得精，整定我係咁，我都願意接受，上天想我明白，我亦相信將來會更好。」
其實陸詩韻的情路向來不太順利，○五年她廿四歲當選港姐亞軍，入行未幾就被爆出與富商曾文能秘密坐頭等機位到東京，充當伴遊，從此便聲名狼藉，形象插水。
「當時用的字眼都好傷，點解拍拖會變成咁肉酸？當時我剛入娛圈不識處理，其實拍拖咪拍拖囉，好簡單之嘛，但我就係好驚，怕拍拖會被公司鬧繼而雪藏。可能男友背景特別，我又係港姐，湊埋就是一個古仔。」
還記得當時她一直以普通朋友稱呼對方，對有關「男友」的問題都顯得避忌，今時今日她就改口為男友，而呢位女友當真唔話得，當時受如此委屈，從無想過要男友出來替自己澄清，「佢都無安慰我，嗰時都無想到呢點，只係不斷想如何平息事件，甚至有段時間佢都無搵我，因為真係驚咗，成日有人喺佢屋企門口等，無謂啦。反而我覺得唔好意思，怕影響對方屋企嘛。」
明明是逆來順受，忍氣吞聲，點睇都有嫁入豪門的基本條件，但陸詩韻卻即時唱反調，「我係要男女公平的人，唔會好遷就對方，如果話我有錯，我會問到底我錯乜先，這種不可愛的性格，好難入大家族。」她笑笑口說。
大家族未必是她的最終目標，但無獨有偶，幾次拖友都是有錢佬，其實陸詩韻都幾目標清晰。「嗱，我要解釋，男友唔係我搵，係大家情投意合才可走埋一齊，唔係我喜歡對方，對方就肯同我一齊。我係單身，遇到屋企有家底的男士，我梗會考慮，但點解我來自娛樂圈，就被誤會被人寫？」
「你問所有女仔擇偶條件，口裡都話錫我就可以，但到底有無講出心底話呢？如果有得揀，女仔梗會話︰『起碼養得起我。』呢個才是一般女仔對伴侶的要求，我唔要求對方養得起我，但一定要有上進心，我更可以跟他一起拼搏，我唔係要坐在家中等人俾錢我使，飯來張口的人，我都容忍不到自己係咁。」
不過她亦好坦白，跟男人捱麵包，短期還可以，長期就可免則免，「呢樣好實際，我青春有限，如果對方為生意要節衣縮食，我好支持，但無理由十年時間對方都事業無成。」
如此揀擇無可厚非，人望高處，不難想像陸詩韻何解對成熟男士特別投緣，但她都有底線，並非個個像 Mandy Lieu一樣，擺明車馬向大婆挑戰，「有家室唔使諗，我唔想出街要思思縮縮，一見人就要彈開。」她說得斬釘截鐵。
雖不是身經百戰，但自言最差的日子已捱過來，陸詩韻只望重投娛圈有工開，至於附帶的指指點點，她只能硬食，「這個套餐連帶要承受另一種新聞，傳媒影到相，無論真假都可能扭曲，我明白會有觀眾希望睇古仔，所以會有那類新聞。
「我個底從來無花過，係人哋寫到咁，我無做錯事，又無對人唔好，更加無傷害過人，點解要咁對我？
「藝人是被動的，我做任何舉動，新聞可能是另一個版本，我控制不到，只是多年來我學會調節自己心態唔好介意，係好難㗎，但唔開心咪變相承認我是故事中的人，所以，時間可睇清所
有嘢。」
|
鍾意就快D Share啦！
|
|
|
