掃呢頁CODE去手機

2014年12月11日 星期四

[壹週刊 - 1292] Mandy Lieu失蹤 洗米華大婆表心跡:毒死就好了! 洗米華,Mandy Lieu,Mandy,劉碧麗,M1,




探熱針

Mandy Lieu失蹤 洗米華大婆表心跡:毒死就好了!

二十九歲的混血名模 Mandy Lieu獵得澳門賭業猛人、太陽娛樂文化老闆洗米華(周焯華)後,由收億元豪宅到流出人肉坐墊短片,再發生有人報警話找不到她,驚動消防上門爆門,鑊鑊高潮。

據了解,過往周焯華習慣收埋「食」,緋聞稍有風吹草動,都即時斬纜,偏偏今次愈來愈公開,正印華嫂陳慧玲顏面全無,近日更在微信表心跡:「不喜歡的毒死就好了,多簡單的事!」

搵唔到老公

日前有人報警,懷疑 Mandy Lieu在中環寓所內暈倒,最終驚動消防上門爆門,由於當時周焯華的司機在場,一度指是他的司機報警,但近日卻傳出另一版本。

「人肉坐墊片出咗之後,華哥(周焯華)好嬲,因為有人話偷拍嘅係 Heidi(華嫂陳慧玲)朋友,條片影響華哥生意人形象,令佢好冇面。其實華哥本身唔鍾意賭錢,當日只係陪朋友,所以佢連 Heidi都嬲埋,件事通天之後, Heidi一直都聯絡唔到華哥。」知情人說。

以往周焯華有緋聞傳出,都會即時斬纜,並氹番華嫂,肯定其正印地位。

澎湖睇賭場

湖睇賭場

正印華嫂同老公周焯華失聯之際,卻有人目睹 Mandy Lieu跟他同遊台灣。據了解,原來周焯華計劃將賭業拓展到台灣,早前他專程到澎湖視察環境後,再同 Mandy Lieu轉其他地方繼續玩。風流快活,令搵唔到老公的華嫂更扯火。

「過往華哥好俾面 Heidi,啲緋聞全部見光死,舊年佢俾人影到同藍莓都係即飛,連生日會都唔俾佢去。但同 Mandy Lieu就愈來愈公開,最近仲安排咗兩個保鑣俾佢,身邊啲兄弟都當晒 Mandy Lieu係阿嫂。」

有指被陳慧玲友人在賭廳拍得 Mandy人肉墊服侍賭錢後,周焯華嬲爆。

周焯華跟 Mandy傳緋聞後,陳慧玲開始在 facebook高調晒幸福家庭照。

華嫂同 Mandy過招沒完沒了,周焯華日前出席公開活動,跟楊千嬅合照後,亦表明不接受訪問。

八月 Mandy跟周焯華被拍到澳港兩邊玩,孖咇拍拖食飯。

華嫂戴住六百萬珠寶出席慈善活動,跟同樣愛珠寶的鄺美雲在 ball入面有傾有講。

陳慧玲未出聲鬧小三,好友澳門 ball后李碧君搶着在微博怒插對方。

自爆失眠

Mandy Lieu全面介入,打翻醋埕的陳慧玲近日在微信表心跡:「女人不要動不動就和男人生氣,這是他不喜歡的,不要動不動就懷疑這懷疑那,這是他受不了的!學學潘金蓮,不喜歡的毒死就好了,多簡單的事!武則天說過,男人聽話的就留着,不然就直接弄死。」

講到好霸氣,好放得下,但她又自爆每晚失眠,又說:「最讓女人失望的不是你沒錢。」心情複雜。

大婆嬲出面,有指因為 Mandy Lieu獲贈近億西半山物業及大馬獨立屋,以價值計,同陳慧玲手上的磚頭不相上下。

「雖然華哥好錫佢同 Heidi個女,個女今年已經十一歲,但其實佢哋三年前先正式註冊,當時都係為個女讀書方便啲。而家 Mandy Lieu咬實唔放, Heidi覺得受到威脅,緊張好正常!」知情人說。

Mandy六月為珠寶店開張擔任嘉賓,十分風騷,不過小三形象入屋,有指大品牌都敬而遠之。

十一月,周焯華帶 Mandy過澳門出席向佐生日 P,當日有多名保鑣護駕,據知周焯華見近日多事發生,亦有派保鑣護 Mandy。



陳慧玲近數月積極參與慈善活動,早前又帶住女兒到西貢出席步行籌款。

過招

正印跟小三過招,唔一定正面交鋒,有時身邊人睇唔過眼亦會出手,華嫂跟 Mandy Lieu,近四個月,隔空招來招往,絕對是一場硬仗。

8月 認拍拖

突然升呢做老闆娘開模特兒公司的 Mandy Lieu被踢爆搭上周焯華,陪出席向佐澳門生日會,又在男方位於九龍站寓所過夜,一星期見足三日。之後 Mandy Lieu在微博發聲明,承認與對方發展中,但暗示不知他已婚。

8月中 大起底

有指 Mandy Lieu獲男友贈送西半山近億豪宅,而一向低調的正印陳慧玲忽然被大起底,指她 00年跟周焯華拍拖產女後,男方事業愈做愈大,成為澳門賭業猛人,身家逾五十億,十分旺夫。

9月 做伴遊

明知做小三都唔願斬纜的 Mandy Lieu,跟周焯華雙雙飛紐約外遊,事後更以「朋友」形容雙方關係,擺明唔會放手。

10月 變高調 變高調

華嫂突然高調,以仁愛堂總理身份出席籌款騷,捐 100萬投畫外,又孖住周焯華出席電影首映,顯示阿嫂地位不變。

11月初 朋友幫拖

見 Mandy Lieu箍實自己老公唔放,華嫂在 facebook發放全家福,之後有澳門 ball后之稱的好友李碧君,亦幫拖在微博鬧爆小三「不知羞恥」。為氹番老婆,周焯華開水喉讓華嫂在澳門開果汁店、託兒所。

11月中 再收大屋

Mandy Lieu在賭廳化身人肉墊服侍短片流出,之後再傳出周焯華愛屋及烏,花過千萬送大馬獨立屋給 Mandy Lieu娘家。

11月底 出王牌

華嫂獲老公再打本 5,000萬,開「海洋中國」搞美容生意、公關公司,她更以仁愛堂總理身份,帶住女兒參與籌款活動,出動王牌,化身慈善 ball后。

12月初 被報警

Mandy跟洗米華外遊期間,有人報警突指她在寓所內暈倒,要消防爆門入屋,傳被人整蠱,司機當時在場。



鍾意就快D Share啦!