| 郭晉安認為自己的成就全靠家人支持。 | next 1/1 pre |
 | |
| 郭晉安笑言有心有力，要搶走林峯的粉絲。 | next 1/1 pre |
 | |
| 郭晉安以《忠奸人》一劇中奸到出汁的律師三奪視帝。 | next 1/1 pre |
 | |
| 郭晉安決心執正自己成為子女榜樣，成功改好自己脾氣與性格的壞處。 | next 1/1 pre |
 | |
| 郭晉安：「我會加倍努力同抓緊機會！」 | next 1/1 pre |
 | |
| 郭晉安不甘於現狀，會向四屆視帝進發。 | next 1/1 pre |
郭晉安（安仔）今年憑「奸到心寒」的傷殘律師「高哲行」成功稱帝，榮升無綫「三屆視帝」。安仔笑言於2003及2005年以「丁常旺」一角兩奪視帝後「傻足十年」，今次得獎成功搣甩傻仔形象，為事業打下最有力的強心針：「攞到獎令我感覺跳過咗難關，已經再冇被定型嘅感覺，之後我會好有信心去試其他嘢！」
生仔隨緣
年屆五十歲的安仔愈演愈青春，在電視圈中愈戰愈勇，他笑言要重返「偶像派」陣營，更準備強搶林峯粉絲：「有仔女令我更有童真，依家有攞（攞獎）實力，就走番偶像派，我趁林峯唔喺度，擸埋佢嘅粉絲！」子女令安仔得以「重生」，問會否打算再生？他表示未有考慮「收爐」與否：「睇緣分！我同太太冇諗再生或唔生，依家湊兩個容易集中精神，將會為佢哋重新裝修屋企半年。（如果再生BB？）咁就要靠哥哥（郭令山）照顧佢喇！」
安仔在頒獎禮上眼濕濕感謝一對子女出現，並坦言成家立室後拋開自大及驕傲的負面性格。曾經年少輕狂的他個性剛烈，曾誤將自大當作自信，不惜與劇集導演「駁火」：「以前成敗得失都覺得係自己，產生啲壓力就造成盲點。我試過同導演炒大鑊，企硬唔合作，仲大言不慚咁話『我係要咁演，得唔得都由我負責』！我起晒棱角，結果令到為件事好嘅人都受傷害。」
愛妻心切
結婚生仔後安仔對「身教」有深切體會，決意執正自己成為子女榜樣。提起愛妻區倩怡一直默默支持，一臉冧爆的他再次感激愛妻的包容及體貼：「演員靠情緒搵飯食，一失控就會任性。見到太太唔出聲咁受晒（氣），我都難過自己唔成熟！佢之前同仔女拍咗條驚喜短片畀我，話我知屋企由佢睇住同叫我安心工作，我感動到即刻打電話畀佢！（心情好咗？）冧到講唔到嘢！」
時間競賽
成功追平好友羅嘉良與黎耀祥的「三屆視帝」紀錄，問是否有意再創先河，成為史上首位的「四屆視帝」？經過多年沉澱的他可謂雄心壯志，直認往後將與時間角力，鬥快完成破格目標：「我有心，但要同時間鬥快，因為我已經唔想再等多十年！我會加倍努力同抓緊機會！」
|
鍾意就快D Share啦！
|
|
|