2014年12月31日 星期三

[FACE - 397] 肥妹萬歲 誓不減肥 一字馬拱橋冇難度 欣宜:做肥妹好開心 欣宜,MF,




一字馬對於欣宜嚟講, easy job就連隔籬個排舞師都大讚欣宜手腳靈活。

真面目

肥妹萬歲 誓不減肥 一字馬拱橋冇難度 欣宜:做肥妹好開心

27歲鄭欣宜( Joyce)表明唔會減肥後,個個大讚夠勇又夠「 true」,所以話幾時都係內在美重要過外在美㗎!

欣宜仲出一分力幫肥人發聲,最近就公開招募兩名加大碼肥妹加入拍新歌嘅 MV,身體力行同大家講肥妹都一樣可以跳舞!新 MV明年一月拍攝,欣宜都加緊練習,做起一字馬同拱橋嘅高難度動作,原來仲易過食生菜。








為肥人發聲,欣宜拍 MV都搵肥妹伴舞,但講到明一定要跳得,有一段時間冇跳舞嘅欣宜都密密練舞,初初拉筋都「呀呀」聲,不過好快就做到一字馬同拱橋等高難度動作,之後仲改編最近韓國勁 hit嘅 Heart Dance。欣宜說:「新歌 MV招募緊兩個加大碼嘅女仔,起碼要 150磅,因為入行至今,好多人話我太肥,叫我唔好跳舞或做快歌,因為唔會有人想睇,但我就覺得我唱歌、演戲、跳舞嘅時候,只不過想帶動氣氛,靚唔靚都係各花入各眼,唔輪到任何人去話適唔適合,某程度都想證明畀大家睇肥都可以跳舞!(為肥人發聲?)有唔同大學或化妝公司搵我去講 talk,分享咩叫美麗、咩叫健康,咩叫外在同內在美,每一次都係發自內心,最緊要每一個人要找尋自己嘅路,學識接受自己,自己覺得做肥妹都好開心!」

睇彭丹做拱橋就睇得多,相比欣宜拱橋就真係未見過,好有新鮮感啫!

新歌要勁歌熱舞,有一段時間冇跳舞嘅欣宜,都要做吓拉筋熱身。

勁跳心心舞

呢個大字馬,對欣宜嚟講都一樣冇難度,仲 hold到十幾分鐘㗎!

欣宜自細就學過芭蕾舞同爵士舞,仲同排舞師阿輝自創一套獨門 Heart Dance舞步(快啲睇片)動作都係其次,表情先係重點。

今年 4月,欣宜加盟蕭定一旗下中國 3D數碼娛樂公司,而欣宜加盟 Neway唱片時,蕭定一都有現身支持,欣宜仲大讚老闆:「佢係一個敢言嘅人,對住佢,我自己都會好直接,某程度佢都有啟發我去忠於自己嘅決定。」

今年 6月,欣宜喺半夜時間發表一篇唔會再減肥嘅宣言,得到超過 10萬網民表示支持,「證明如果用真心 show畀大家睇,佢哋係會 feel到,係會有共鳴㗎!」

最近欣宜喺個人 YouTube頻道宣布新 MV招募 2名加大碼女仔拍攝,藉此為肥人一族發聲。

網上圖片

由細跳到大

電視畫面

雖然欣宜自細就係肥妹仔,不過每次上台都自信十足,每次都成為熱話,完完全全遺傳媽咪優良嘅表演基因。

11歲

11歲嘅欣宜,同媽咪沈殿霞合唱嘅〈星星傳說〉攞咗兒歌金曲,當時頒獎嘅仲要係老豆鄭少秋㗎!

《蘋果日報》圖片

14歲

因為媽咪沈殿霞開騷,欣宜喺 14歲時已經可以同 Twins同台演出。

電視畫面

15歲

欣宜自小已經踏入娛圈,不時在節目表演, 15歲時喺大台慈善節目中跳唱 Britney Spears嘅〈 Oops! I Did It Again〉!大開眼界呀!



鍾意就快D Share啦!
Related Posts Plugin for WordPress, Blogger...